| Author |
魯賓遜 - 賽馬天地 |
魯賓遜robbinson
註冊於: 02/06/2009
發帖數目: 23 |  發表於: 2009-11-04 on 15:14
上次同呢度班巴打食完飯，但都無上黎呢度留底腳毛，今次就放低一啲心水同大家分享。歡迎大家比啲意見架。
|
魯賓遜robbinson
註冊於: 02/06/2009
發帖數目: 23 | 發表於: 2009-11-04 on 15:18
[quote]
On 2009-11-04 15:14, robbinson wrote:
上次同呢度班巴打食完飯，但都無上黎呢度留底腳毛，今次就放低一啲心水同大家分享。歡迎大家比啲意見架。
第一場 7永勝馬 3翔德 1全能 12金不換
第二場 7稻庭烏冬 11大唐勇將 2招財名駒 1廣友名駒
第三場 11博利好 9領航人 2愛拚者勝 6永利多
第四場 10野蠻 1恆運財星 11煇煌駒 6甜在心頭
第五場 3時代明星 6心歡笑 11長勝 4大智慧
第六場 6功力勁 7善戰 1尚駿心 4特綵
第七場 6朝東之寶 12天祿 5貝利高 4銀太陽
第八場 4超勁精神 10海王子 7新強勁 14大紅人
*紅字為「6X20對碰W」提供 (共160注)
|
魯賓遜robbinson
註冊於: 02/06/2009
發帖數目: 23 | 發表於: 2009-11-04 on 15:21
第一場 泥地1200米 五班
「永勝馬」初跑泥地，佢一身栗毛係受母系影響，源自短途種Kaoru Star，呢系馬以前跑膠沙地唔錯，所以估計呢匹馬泥地都應該可以應付。佢上場初降五班，季內初出竟然跑千四，快步速跟前，直路透出最後一百米至被超越，影相跑第三，而同佢一齊放頭嘅馬全部大敗，未熱身開氣都跑得咁好，表現非常利害，今季四歲明顯進步。九月尾曾經試泥閘跟前力弱，今次賽前又安排試泥閘，刻意留後考驗，擺明為今場準備，埋門見狀態已經有九成，沈集成今季已經贏左三場五班賽，睇黎呢匹馬有機會為佢再添一場五班頭馬啦。
「翔德」今季踏入四歲的確有進步，雖然我一直都唔睇好French Deputy子嗣，但呢匹「贏馬組合」嘅同母細路，睇黎五班都叫企得穩，由其是上場表現令我改觀，上場跑沙田千二慢步速留後，直路竟然係唯一匹追到上黎嘅馬，可見近態勇得交關，今次轉跑泥地，季前試泥閘走勢已經吸引唔少人，而且同母大佬又贏泥地，加上父系亦係泥地種，睇黎今場會交出更好表現喎。
「全能」暑期我曾經講過今季至少有兩場頭馬，不過呢個展望只係基於佢草地實力，估唔到今季練者仲不斷跑泥地楚材晉用，Al Akbar子嗣咁多年黎跑泥地加埋廿幾三十次，只係取得一場頭馬，而呢系馬太多數都係在草地交出表現。而呢匹馬近四場都跑泥地，雖然都後上交出追勢，但實際上跑得最近一仗都輸差唔多兩個馬位，究竟點解幕後仲不斷跑泥地呢? 呢匹馬跑草地五班大超，就算跑泥地都唔夠話佢唔贏得，不過熱捧兩三倍W就唔抵囉，希望佢快啲跑返草地啦，四班都夠贏架。
「金不換」雖然跑泥地七次都唔上名，但Elusive Quality子嗣無理由泥地差成咁，我睇一直未有表現，只係因為進度唔好，上季中轉去強哥度，佢索性密密跑減分，由32分減到今季18分起步，上場季內初出跑谷草一千後上唔錯，當時匹馬狀態最多六七成，熱完身今次埋門見火氣同力度都幾好，不妨又比次機會佢啦。
心水提供:
7 永勝馬
3 翔德
1 全能
12 金不換
第二場 泥地1800米 四班 R132
「稻庭烏冬」係我今季重點跟進馬之一，原因係配售馬進度比較差，但呢匹馬上季三歲竟然可以連場跑近，最令我印象深刻就係呢匹一貫放頭食糊嘅馬，當日跑泥地千八竟然可以後上如箭，一匹馬能夠用不同跑法交出好表現，証明實力超群，而且亦反映出成熟進步。前仗今季復出跑泥地千六，排外檔放唔出，沿途包尾，但末段拉出外檔望空就好似炮彈咁衝上黎，雖然最終柵柵來遲跑第四，但係末段締22.93秒，係今季跑左嘅四場泥地千六米之中，末段跑得最快嘅一匹，其次就係當日贏馬嘅「神殿」跑22.94秒，後駒再出升班都照入圍，而呢匹馬上場跑谷草以玩敵姿態贏馬，今次跑返泥地，就算放唔出沿途走外疊蝕位，我睇都好難阻止到佢贏馬啦，希望佢能夠為紹仔帶返啲信心返黎啦。
「大唐勇將」前仗谷草千八快步速居中沿欄後上贏馬，閘前落重飛得手，上場排外檔早段刻意留後埋欄包尾，但中段被撞後脫口，馬匹脫口就同踏單車甩鍊咁，所以佢上場包尾跟跑呢場敗績咪當真輸。雖然上場賽後被問話，但今次轉跑泥地同換人已經有變身藉口，原本排位日我無揀呢匹馬，但睇完埋門晨操見佢勇得交關，耷低頭好集中咁跑，出腳有力馬身收得好，未見過呢匹馬咁靚，雖然又係排外檔，但係都忍唔住要揀埋佢啦。
「招財名駒」一早就話呢匹母系出自Carmegie嘅馬係正宗長途馬，上季增程跑草地千八即刻贏馬，其後再贏多場泥地千八，均速前領長途性能表露無遺，上場今季初出跑谷草千六，排外檔搶放，快步速沿途二疊，末段力弱大敗。開氣後今場增程跑返首本千八，埋門仲要拎去試泥閘省省佢，今場有出擊意圖架。
「廣友名駒」來港前跑幾場級際賽跑殘，前季插86分梗係有排減啦，終於上季中減到落四班就可以企得穩，近九場七次入前五名，表現準繩，上季泥地千六米開齋，當日柏寶騎得好落力，轉彎已經打鞭，直路展開大步衝刺，而呢匹馬上場跑二千跟前亦入圍，今次跑返泥地，應該都會有跑得近架。
心水提供:
7 稻庭烏冬
11 大唐勇將
2 招財名駒
1 廣友名駒
第三場 泥地1200米 四班 R133
「博利好」El Moxie子嗣，泥地性能特佳，今季降五班初出跑泥地即爆冷開齋，幕後部署成功，上場升班跑谷草千二，排外檔沿途走三四疊，包尾後上追勢唔錯，証明呢匹五歲馬步入當打期，今次跑返拿手泥地，擺明想贏多場啦。
「領航人」初跑泥地，Dehere子嗣，泥地性能好，上季尾加眼罩後，陣上集中力同貫注力都有提升，而今季踏入四歲，晨課見口勁收斂晒，係進步表現，而上場跑直路賽，沿途快放，但最後二百米換右腳先至輸，但已經彈甩馬群，今次跑千二，轉彎時可換腳回氣，而直路就可以轉返正腳衝刺，有權一放到底架，呢匹馬今季進步明顯，相信三場內都贏到馬架啦。
「愛拚者勝」初跑泥地，外形受母系影響，似同母馬「凱旋勇將」，睇血統泥地就無咩根據，但在港試泥閘見落腳就應該可以應付到泥地。呢匹係均速馬，跑千四末段流於均速唔夠對力衝，反而跑千二可以靠快步速施展均速後上，跑草地累拚未逞，今次轉跑泥地求突破，胡森亦喜歡部署馬匹跑泥地出擊，賽前試泥閘後上走勢唔差，今場不妨一搏。
「永利多」初跑泥地，講血統呢匹馬就巴閉啦，佢係頂班馬「喜利多」同父同母馬，所以周歲價貴到十六萬紐元，當然呢匹馬形格唔似其兄，質素亦有天淵之別，Towkay子嗣在港跑泥地都能夠交出表現，相信呢匹馬都應該可以應付泥地。佢今季轉入摩廄後，操好初出贏馬，話咁快今季跑左三場，今次埋門見狀態已經不及前兩回，不過轉跑泥地証明大摩仲諗緊出路贏多場，今場都要拖埋。
心水提供:
11 博利好
9 領航人
2 愛拚者勝
6 永利多
第四場 泥地1800米 五班 R134
「野蠻」前季兩捷後，上季升四班坐馬監，練者亦索性將操練放緩減分，但到季中降返落五班，匹馬狀態操極都唔起，連輸七場，今季24分起步好著數，呢匹愛爾馬八歲都仲有唔錯戰鬥力，今季初晨課落力打磨，志切盡快贏馬交代，上場季內初出跑泥地千六，居中後上影相僅敗，跑完一場狀態更進，今場有力補中。
「恆運財星」均速前領中長途馬，今季降五班，上場初出跑泥地千六，沿途外疊居中跟跑，佢放唔出就輸左九成架啦，所以輸得合理，今次排返內檔，加上有熱身之利，始終班底較高，而且健康正常，跑五班只要放得出就已經好有威脅。
「煇煌駒」今季轉入胡森度，呢匹馬實力見盡，只係匹值35分左右嘅馬，歷來只係27分贏過一場，佢長期狀態都唔差，上場初出沿欄直路一度無位衝，以未開氣熱身黎講，跑得唔錯架啦，佢跑草地泥地中距離都好易跑得近，但要贏就要等好多匹對手失準至得，今場狀態好，可以拖埋做配腳。
「甜在心頭」九歲老馬，元旦日轉十歲，今季服役最後一季，睇怕強哥都會諗盡辦法贏返場光榮退役架啦，五班呢匹馬始終上風，所以亦引到韋達摸實，上場初出跑泥地千六，直路望空後衝刺反應唔算強，始終未熱身，埋門兩步會差啲，今場應該會有更好演出嘅。
心水提供:
10 野蠻
1 恆運財星
11 煇煌駒
6 甜在心頭
|
魯賓遜robbinson
註冊於: 02/06/2009
發帖數目: 23 | 發表於: 2009-11-04 on 15:22
第五場 泥地1200米 三班 R135
「時代明星」母系源自前打比盟主馬后「確叻」，施爵士咁多黎都拎過唔少呢個母系嘅馬黎香港，數埋數埋都有十幾匹，較為成功嘅有「確雄」「確先」「確叻寶」「全滿」，而呢系馬全部都係泥地好嘅馬，而呢匹馬父系出自Last Tycoon，實在血緣上同「全滿」好近，雖然質素上有差異，但泥地性能上就同樣出色，呢匹馬跑泥地短途八次得兩贏四位，表現極準。雖然呢匹澳洲馬已經八歲，但呢個母系家族耐拚，所以呢匹馬上場今季初出都仲能夠贏馬，今次仲跑三班，而且又有最佳拍檔賴仔，三甲好穩，我揀為全日馬膽啦。
「心歡笑」睇血統應該係一哩以上馬匹，而大摩上季亦安排呢匹馬跑中距離，點知三歲馬氣量未練成，於是季尾就縮返跑千二千四，季尾初跑泥地短途就居中後上贏馬，當時其實狀態進度最多都係七成架喳，憑質取勝。今季預期會有進步，上場初出跑沙田千四，內欄跟前，沿途見有搶口情況，抖暑後有燥火也，而末直路早段未能望空，最後三百米望空，白神父騎姿文靜得很，只係輕輕掃右手鞭，同上季尾贏馬時瘋狂地打左手車輪鞭完全兩回事，上場熱身目的明顯，今次跑返贏馬路程，只要認真再駛出左手車輪鞭，今場有權補中架，論前景佢係今場馬之中最好架，今季最低消費都兩W架啦。
「長勝」初跑泥地，母系出自Palace Music，泥地會好，而晨課試泥閘佢亦經常後上交出走勢。今季跑兩場都無段好睇，其實係練者比時間呢匹四歲馬成長，先養肥馬身，所以近兩場體重都比上季重，今次賽前就由副練徐貴良親手操練，動態不尋常，而晨課見馬身亦消左脂，今場有權變身架。
「大智慧」上季慢步速一放到底贏此程，當日頭段24.58秒係超慢頭段，所以佢爆最後八百走甩贏馬，而近兩次就無再咁好形勢，前段跑返正常廿三秒幾，令佢埋門兩步頂唔住對手衝刺，今場面對次次末段成日都交出廿二秒幾衝刺嘅「時代明星」，正常步速之下好難贏，但要放入三甲又唔難。
心水提供:
3 時代明星
6 心歡笑
11 長勝
4 大智慧
第六場 泥地1200米 三班 R136
「功力勁」來港前就係英國跑三場膠沙地，所以來港首仗已經係跑泥地，當日由仲未適應香港嘅潘頓騎，沿途三四疊跟前，最後一百米力弱而跑第五，以當時六七成進度黎講，証明泥地性能其實好好。前季初贏谷草千二之後，大摩就一直安排佢跑谷草，上季十三戰有十一場都係谷草呢。上季曾經都跑過一次泥地短途，當 日配楊啟棠排八檔，沿途包尾走三疊，直路望空以凌厲後勁衝刺，末段跑22.75秒，僅次於當時大勇嘅「太陽勁力」，之後佢就再無跑過泥地啦。今次季內初出跑返泥地，仲要用返主帥，排三檔跑法會主動啲，今場係交代好時候啦。
「善戰」雖然係澳洲馬，但父母都係美國血緣，睇埋晨課泥地落腳就知泥地性能好啦，潘頓已經好熟呢匹馬，發揮得好，人馬合作十一次，竟然只有上季尾跑千四一場唔入前四名喳，非常利害。而呢匹馬今季刻意部署初出跑泥地，証明幕後對呢匹馬泥地性能好有信心，馬房今次賽事有唔少實力馬，睇黎呢匹馬都係配合出擊架啦。
「尚駿心」初跑泥地，雖然Al Akbar子嗣泥地表現不及草地好，但呢匹馬母系二代係源自Straight Strike，相信泥地又未必太差，而晨課試閘呢匹馬成日都一放到底，今次賽前仲刻意拎去試多鋪泥閘，今場用韋達係有備而來架。
「特綵」呢匹馬泥地同草地實力差唔多，只係泥地千二嫌短些少，佢上場跑千四快步速居中後上，拍住「賞惑」鬥足一條直路而輸，但後駒再出連捷，可見上場佢表現又唔算太差，今場減七磅會好跑，仍然會跑得近。
心水提供:
6 功力勁
7 善戰
1 尚駿心
4 特綵
第七場 泥地1650米 二班 R137
「朝東之寶」轉廄初出，初跑泥地，睇血統就無咩泥地根據。今季八月中開操，九月中試一千米草閘，沿途跟馬群按實順走，末段望空撲前，但當時落腳仲嫌重，狀態僅屬初起。十月中再試泥閘，沿途包尾，直路拍全喜聚寶追上，走勢勝前。呢匹馬晨操一直唔戴眼罩，但試閘及出賽就會戴，呢個安排係令匹馬有新鮮感，今次埋門試跑專登戴罩操，快跳出腳急勁，力度已有八九分，只嫌馬身仲有啲肥，今場初出有八成水準，今次揀泥地黎跑，而且仲係馬房首選，練者必有見到，呢匹馬係暑期告仔接受嘅馬之中，進度黎得最好嘅一匹，相信今季好快可以開齋交代架啦，今場要開始跟進住。
「天祿」雖然外地跑六場表現唔算好，但來港後跑九場卻八場入圍，我睇關鍵在於加左個鼻箍啦，所以千祈唔好太介意佢以前嘅賽績呀。上季跑過兩次泥地都入圍，Dehere子嗣泥地多數好，今季跑兩場沙田草地中距離都遇上慢步速，佢能夠居中後上入圍，表現已算唔錯，上季尾靠快步速後上贏兩場，今次又有幾匹快馬，會有快步速有利形勢比佢發揮後勁啦。
「貝利高」均速前領中長途馬，上季曾經跑過此程一次，當日早段正常步速領放，轉彎前開始加速希望走甩對手，但勁度未能維持到尾，只能跑入無威脅嘅第二名。今季五歲係中長途馬當打期，上場千四米超快步速一放到底，充份表現出均速氣量，但今次跑泥地千六，我覺得轉兩個彎嘅路程步速較慢，未必適合佢均速快放性能，所以上季跑得最差一役係谷草千八亦可以解釋。今次負磅依然輕，呢匹馬跑沙田千六千八，我相信今季有能力挑選本地三級賽架，不過今場跑兩個彎路程我信心就唔大，只係拖埋做腳。
「銀太陽」上季靠貼欄放頭於此程跑得好，八歲澳洲馬實力退化，上季尾92分減兩磅都未能再贏，而家95分無磅減就好難夠爭，不過近期呢匹馬狀態的確好，相信下場換返牌仔減磅已經有力一爭，今場冷門先拖一注做保險。
心水提供:
6 朝東之寶
12 天祿
5 貝利高
4 銀太陽
第八場 泥地1650米 三班 R138
「超勁精神」係我暑期品題過的東廄值得跟進馬之一，其餘兩匹「暢蝦王」及「稻庭烏冬」都已交出頭馬，得返呢匹未贏。呢匹馬兩歲時為爭拍賣狀元而硬拉幸運勇將，後駒都已經退左役，而佢三四歲就沉得好緊要，直至上季中進度回復返正常，就贏兩場谷草千六，而煞科日縮程跑沙田千四亦能夠後上如箭入圍，可見三班份量唔輕，今季跑兩場都未見佳作，但就愈跑愈近，而且狀態亦愈黎愈好，今場初跑泥地我等左好耐，Dehere子嗣泥地會好，而且睇呢匹馬出腳就隨時係泥地怪傑，今場半冷抵玩，係今晚心水冷馬。
「海王子」今季開鑼日就贏千四，近兩場就熱門倒灶，上場初跑泥地都有大量飛數支持，証明幕後亦對呢匹馬泥地性能有信心，當日貼欄跟前原本係主動位置，點知第三段步速拖慢，而對手就不斷外疊加速上前，令佢困守內欄，直路望空後未能及時加速只得梗頸，呢匹馬加速力慢，所以走外欄轉彎前開始加速會好，上場就無呢個形勢比佢發揮，今場仲跑泥地，當然練者上場輸得唔服啦，今晚有權補中架。
「新強勁」上季中開始進度回落，連輸幾場，今季馬身養壯返之後，先跑兩場熱身跟跑，上場跑返拿手泥地出擊，沿途跟前，但轉彎時被「穿針引線」反客為主，而佢直路再重新加速已經追唔到對手啦，又係輸得不值，今次再跑首本路程，當然想收復前失啦，不過呢匹馬實力都見底，而家三班要等機會至贏得，但跑入一席唔難。
「大紅人」泥地性能好，上季轉廄後進度始終差一線，上場今季初出跑同程排外檔留後埋欄包尾，末段內欄後上追近，但直路初曾一度無位受困，後追表現已有全盛時水準，今次排檔內移會更易發揮，末段如及早望空衝刺，會係奇兵一路。
心水提供:
4 超勁精神
10 海王子
7 新強勁
14 大紅人
|
魯賓遜robbinson
註冊於: 02/06/2009
發帖數目: 23 | 發表於: 2009-11-04 on 15:22
6x20 對碰W ( 共 160注 )
第二場 7稻庭烏冬 11大唐勇將
第三場 11博利好 9領航人
第五場 3時代明星 6心歡笑
第六場 6功力勁 7善戰
第七場 6朝東之寶 12天祿
第八場 4超勁精神 10海王子
|
魔術師hkhorsetrack
註冊於: 21/09/2003
發帖數目: 3067
| 發表於: 2009-11-04 on 16:30
Quote:
|
On 2009-11-04 15:22, robbinson wrote:
6x20 對碰W ( 共 160注 )
第二場 7稻庭烏冬 11大唐勇將
第三場 11博利好 9領航人
第五場 3時代明星 6心歡笑
第六場 6功力勁 7善戰
第七場 6朝東之寶 12天祿
第八場 4超勁精神 10海王子
|
|
不如開個實力挑戰賽的帖子, 方便統計這個方法贏取5萬元的方法 
|
魯賓遜robbinson
註冊於: 02/06/2009
發帖數目: 23 | 發表於: 2009-11-04 on 16:34
Quote:
|
On 2009-11-04 16:30, hkhorsetrack wrote:
Quote:
|
On 2009-11-04 15:22, robbinson wrote:
6x20 對碰W ( 共 160注 )
第二場 7稻庭烏冬 11大唐勇將
第三場 11博利好 9領航人
第五場 3時代明星 6心歡笑
第六場 6功力勁 7善戰
第七場 6朝東之寶 12天祿
第八場 4超勁精神 10海王子
|
|
不如開個實力挑戰賽的帖子, 方便統計這個方法贏取5萬元的方法
|
|
魔兄,
我希望今季達到嘅目標係五萬注呢!
最低消費兩蚊注已是十萬蚊.
宏大目標要逐步邁進至得。
至於o係度開帖就免啦, 因為我已經o係別處開左,
要次次周圍update都幾煩架.
祝你今晚有斬獲啦.
|
魔術師hkhorsetrack
註冊於: 21/09/2003
發帖數目: 3067
|  發表於: 2009-11-04 on 17:24
Quote:
|
On 2009-11-04 16:34, robbinson wrote:
Quote:
|
On 2009-11-04 16:30, hkhorsetrack wrote:
Quote:
|
On 2009-11-04 15:22, robbinson wrote:
6x20 對碰W ( 共 160注 )
第二場 7稻庭烏冬 11大唐勇將
第三場 11博利好 9領航人
第五場 3時代明星 6心歡笑
第六場 6功力勁 7善戰
第七場 6朝東之寶 12天祿
第八場 4超勁精神 10海王子
|
|
不如開個實力挑戰賽的帖子, 方便統計這個方法贏取5萬元的方法
|
|
魔兄,
我希望今季達到嘅目標係五萬注呢!
最低消費兩蚊注已是十萬蚊.
宏大目標要逐步邁進至得。
至於o係度開帖就免啦, 因為我已經o係別處開左,
要次次周圍update都幾煩架.
祝你今晚有斬獲啦.
|
|
魯兄,
好事多忙, 有得忙是好事,
其實我上季無玩過泥沙, 今個月有少少轉變,
打算俾少少娛樂費與眾同落, 希望真係誠你貴言有斬獲啦
PS : 五萬注, GOOD ! 我喜歡這類統計單位, 今季現在都係贏9.56注, 希望能達成一季贏60注的宏願啦~
|
IvyDayTony8025
註冊於: 31/08/2005
發帖數目: 112
| 發表於: 2009-11-04 on 17:48
小弟一個月注碼連$2注的6X20都買唔到呀
wuuuuuuuuuuuuuuuuuuuuu......
有得睇冇得食
|
登入
會員登記
