Hong Kong Horse Database

	Hi Anonymous
	免費會員登記
	如有任何疑問，按此可直接與船主聯系。
歡迎訂閱「HKDB」會員　2023- 2024 年費計劃將於現時開始接受註冊，年費費用為港幣 1,700 元正，人民幣 1,600 元正。月費費用為港幣 350 元正，人民幣 300 元正。　各會員可以經 Fax 或網上申請，方法請查看登記辦法

首頁

FAQ

香港賽馬	球迷集中贏	其他	來賓討論區
香港賽馬	足球論壇	更新意見及報錯處	查詢
刨馬技巧		個人評語系統
銀行馬討論		你地鍾意貼乜就貼
血統及外國賽事資料		會藉查詢
賽事片段跟進馬
VF討論

河馬仔專欄管理員: hiphip3678
Hong Kong Horse Database Forum Index >> 河馬仔專欄 >> (河馬仔專欄)12月23日屋企打邊爐心水+賽馬日分析

Go to Page ( 1 | 2 下一頁 )

Author

(河馬仔專欄)12月23日屋企打邊爐心水+賽馬日分析

河馬仔hiphip3678

註冊於: 30/08/2004
發帖數目: 6147

發表於: 2009-12-23 on 16:49

之前天氣有點寒冷,當然打邊爐係港人之至愛.小弟家人打邊爐大多在家進步行,皆因食材一定會清洗得乾乾淨淨,而小弟一家非常喜歡以海鮮為主食,故此每次打邊爐都會去就近之荃灣之楊屋道街市購買海鮮作配料.

今次一於講講上星期在家之打邊爐晚餐...

先講講'半肥牛',雖然家人較喜歡吃新鮮牛肉,但有時肉質在熟後會較粗,不過肉味及肉汁較肥牛有層次.其實肥牛太多肥膏會令個湯太肥,故此媽媽會剪走大部份肥膏.

新鮮黃油雞件,鮮帶子及在街市倒了一樽花雕酒之新鮮醉蝦.打邊爐真係唔慳得,材料唔鮮真係唔得.特別係雞件,鮮雞肉味明顯優勝十倍,雞骨之香味可以令湯之濃味倍增.鮮帶子其實唔平,故此細細粒都冇法.反而鮮蝦就唔太貴,約七十蚊一斤,一撈上水即時倒一支花雕酒入袋內令蝦充滿酒香,再回家清洗一番再食用.

當然魚係唔少得,經過常常幫襯之鮮魚店老闆之極力推薦下,買下了整條東星斑,老闆話俾我及爸爸知用東星斑打邊爐先係最高,故此佢即時將魚肉弄成魚片,連皮煮至肉質轉色唔透明便可食,此乃條魚之一部份,全條$500.

講完咁多生料,係時候開波.魚丸魚腐墨魚丸都係唔少得,當然買一些味精較少的為佳,故此如想用湯底煮飯的話最好要留意.

可惜打打下出現意外,點解要用電飯煲打?皆因之前的煲打打下突然破裂了,一些材料都報銷了.

熟了後涼一會便可食,牛肉味尚濃,加上點一點豉油或WASABI會幾滋味.蝦煮熟後酒味雖然有點流失,但仍有點點餘韻留在蝦肉內,反而個殼仲重酒味,可能要再浸耐一點時間.

菜蔬一定要有,唐生菜係小弟屋企首選.其實菜碌一碌便可,千祈唔好放太耐.其次西洋菜及唐蒿都好,但兩者都難清洗要小心.

最後當然要講講個魚片,擺明贏哂.東星斑魚肉鮮夾嫩,一熟即食鮮味盡顯,唔加調味亦能帶出魚肉之甜美,而魚皮帶點點膠質更增添質感,一個字,正!

最後個湯底一定唔會浪費,作為第二天煮湯飯之湯底啦.

是日河馬仔八場心水選擇:

第一場:

11.成功年代-上場真正望空之時間其實唔多,望空後實際上已經為時已晚.晨操韋達重視此駒,親自快跳一課順暢度更勝上回,只要形勢變好有力一爭

是場心水:
11.成功年代-10.覓得寶-4.皆大歡喜-1.安競

第二場:

8.華劍寶-上場完全唔明點解走走下走去二疊,輸得雖然遠但其實情有可原.今次用德叔似有心攻堅,磅位冇變對此中途馬會有利,可望真正發揮到此馬實力

是場心水:
8.華劍寶-4.活威小子-5.兄弟班-6.京城天寶

第三場:

3.哈哈妙-由來到反彈水平,排檔雖劣但此馬多跑下個肚腩有點改善.今場對手實際麻麻,如突然出現大利前領之形勢下確有一爭之力

是場心水:
3.哈哈妙-1.應變計劃-11.原小子-7.好笑容

第四場:

2.神勇將軍-睇來都係等今場,近仗抽外檔都輸得唔遠,上戰田草沿途外疊後追都近,今戰對手弱到不堪仲要有快馬拉得散,形勢大好矣

是場心水:
2.神勇將軍-5.質超駒-11.福至心靈-8.開心動力

第五場:

9.神箭金剛-上仗無疑失望但沿途其實走二疊之餘仲要步速不利,如再睇清一點就是入直路時個馬頭係有點側向一面的.今戰用回柏寶應會合拍點,快馬多啱跑

是場心水:
9.神箭金剛-2.超勇駿-4.稻庭烏冬-7.健康藍莓

第六場:

11.多多昇-上場走位難找遮擋之下都輸得唔遠,今戰抽回好檔,更用埋近期大熱之勞勞,仍在上升軌之馬不可因同場對手變強之下就唔記得

是場心水:
11.多多昇-10.高耀之威-7.星火燎原-6.連利精英

第七場:

10.威利多多-C+6彎出名外欄難跑.上場轉彎飛得過遠才敗.今戰東廐雙龍出海似賀壽格,有內欄可補威利旺旺之敗

是場心水:
10.威利多多-5.活力飛駒-3.好味皇-6.海之宏

第八場:

5.財到得勝-始終減到此分應有反彈之力,上仗狀態未足之下都衝得最好之一隻.今次有輕越直前就好得多,晨操過步不浮不燥惹人好感,希望真係為馬迷帶來聖誕禮物

是場心水:
5.財到得勝-3.幸福紅椒-12.標青-8.輕越直前

今次河馬仔專欄為了多謝各位支持,今次有一張看板娘---馬場樂子之飲食紀念WALLPAPER送給大家,祝大家飲和食德,開心健康.