|
| Hi Anonymous
| | 免費會員登記
| | 如有任何疑問,
按此可直接與船主聯系。 | 歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 , 年 費 費 用 為 港 幣 1,700 元 正, 人 民 幣 1,600 元 正 。 月 費 費 用 為 港 幣 350 元 正, 人 民 幣 300 元 正 。 各 會 員 可 以 經 Fax 或 網 上 申 請,方 法 請 查 看 登 記 辦 法
|
|
|
|
| |
|
Author |
(河馬仔專欄)12月15日《全員惡人》電影觀後感+賽馬分析 |
河馬仔hiphip3678
註冊於: 30/08/2004 發帖數目: 6147 | 發表於: 2010-12-15 on 01:42
[此影片被影視處評為三級影片 未滿十八歲人士不得入場觀看]
導演 + 劇本 : 北野武
主要演員 : 北野武 三浦友和 椎名桔平 國村隼 石橋蓮司 小日向文世 北村総一朗 等等
故事大鋼 :
其實故事都係講述一個惡勢力為了爭利益而互相爾虞我詐的故事,而各人因各自利益如何以暴力來解決問題?主角北野武又如何在爭鬥中自處,結果又會係如何?
看後感想 :
今次CAST雖然睇落年紀都希番咁上下,但其實都絕對令人期待,而北野武在片內以ビートたけし的藝名來作介紹,可能有些觀眾會有點唔明,皆因係北野武先生有時會以真名或藝名在唔同的情形下登場.
其他CAST相信較為人所期待會係<赤的疑惑>之三浦友和,但其他CAST如國村隼,石橋蓮司,以及演刑警之小日向文世亦相當有看點.
今次北野武此片好多觀眾都會以"暴力"一點來入場觀看,但除此之外北野武演出時那種外表冷漠但非常有POWER的表情及甚有壓迫感之對白卻是最吸引之處,更吸引的就是北野武在表達時說話唔多但總是氣勢十足,為此片加分唔少.
當然此片給我的感覺都有唔少缺點,首先是開頭的時候在人物交代上,可能係人物數量太多而且每個角色的突出位唔多的關係,其實略略混亂.要過多十分鐘到才較容易理解.去到中段人物的關係已較明顯,而勢力之間的互相消滅的場面亦大為增加,只可惜劇情上較為單向,枝節唔多,變了好多事的發生都會估得到,如互相報仇的次序好像亦是必然重覆發生,自自然然看得多會有點膩,令人驚喜的地方也相對減弱.
當然一些暴力場面亦是觀眾入場之因素,有幾幕其實睇完我個心都有點卜卜跳,不過都唔係個個場面都咁血腥,有些都會以一些事後的場面來完成.講真論這些場面而言再過激的話都可以,只係普遍大眾又能否接受得到呢?
此片由於人數眾多,要平均描述得仔細都其實好有難度,幸好北野武所演的角色需要交代的內容唔多,故此觀眾會較容易明瞭此惡人之角色.
當然此片亦有要讚好的地方,有兩個角色演得非常好,就係做勢力中二號人物加藤(三浦友和演)及刑警片岡(小日向文世演).三浦友和全場到尾演得非常冷靜穩重,外表忠厚卻演得出內心的氣憤毒辣的另一面.而兩頭蛇的刑警片岡在片中有了極強的串聯作用,亦令好多的場面帶來較合理化的解釋,亦充分表現了雙面人的那種心境,在各勢力之間如何扮野搵着數之餘仲要利用情報將對手玩弄,角色之陰險貪婪的性格卻是精彩盡現.
總括而言,劇情較單向及薄弱確是事實,而且在情理上亦有不少講唔通的地方.此類片種的老毛病今次其實都有發生,就係好似講到成個日本都係得個間差館咁,劇本上當然係有唔少要改善的地方.幸好此片在觀感上節奏真係頗快,配合到全場以暴力為主線之場面,而各主要角色演得真係夠哂惡形惡相,說話時給人面目猙獰之感,的確會較容易令觀眾投入到故事中.
此片其實都有個信息帶到出來的,就係利慾薰心,惡有惡報,有好人做的話就做個好人啦.
話說此片可能會有第二集,相信對於睇過第一集的觀眾都會有所期望的.
看板娘---Mary CHAN---對《全員惡人》之評分:
*(圖中所述之看板娘人名純屬虛構、如有雷同、實屬巧合。)
河馬仔第一,三,四,八場心水選擇:
(馬場樂子代筆)
第一場 :
12. 足球大師 - 轉倉後其實起初較重身,但跑過幾場後雖然都如同廄馬般漲身,但已唔多覺有肥態.此駒好多時都係居中個場會較留後表現得好.今場放頭馬的確唔多,除頭兩駒外,此駒今仗面對一批五班似是而非之對手,確有變身之象.
是場心水 :
12. 足球大師 - 1. 常山鎮寶 - 2. 創出傳奇 - 9. 喜相逢
第三場 :
11. 大地神駒 - 此駒可算係今場四平八穩之馬,上場跑多一步戰果確實可以好唔同.雖然型格都略為細細隻,但都唔再見好似以往般晨操成排骨咁,至少都有回唔少的肌肉感.今場對手雖強但勝在檔好又多馬擺前走,補中機會可算甚濃.
是場心水 :
11. 大地神駒 - 9. 實在好 - 2. 團隊福星 - 1. 友情友義
第四場 :
9. 生豪 - 上場其實雖然同百利旺一齊後上,但細心一看的話其實生豪在彎位時已走定出去,相反之下百利旺係在彎位末才順勢走出,而兩駒其實最後相差唔遠,而柏寶上場騎最後二百在推騎時由於有點片出片入,故此都頗難策騎.今場對手強還強,但副練12號跳一段四肢已唔緊,出腳整齊有力,確有大進步
是場心水 :
9. 生豪 - 2. 幸運傳奇 - 3. 質超駒 - 11. 飛躍之鋒
第八場 :
6. 勝利就手 - 上場隻馬單跳個陣仲係孭住個肚腩,但居然在當日接近冇可能後上之情況下走三疊都可以步步追入一席第四,冇質的話根本就冇乜可能.今場主力對手皆排檔較差,以其進步之象確實可與擂台躉如願以償爭先
是場心水 :
6. 勝利就手 - 4. 如願以償 - 8. 幸運愛駒 - 5. 金津好
是日三場全餐博冷門Q膽 :
(馬場彩珠代筆)
第一場 : 12. 足球大師
第四場 : 9. 生豪
第八場 : 6. 勝利就手
到了冬天了、白色都是冬季其中一種主色呢!而浪漫及溫馨的氣氛總會為冬季增添了絲絲暖意.
今次<河馬仔專欄>為了多謝各位長期支持、迎接這個浪漫冬季、看板娘---馬場樂子再次登場。今次WALLPAPER主題為「暖意白色聖誕」、繼續支持充滿心思及愛之同人創作。
今次由河馬仔出品、由同人組織FINGER AND FISH之畫師HECO繪製而成。以<共享創意 署名-非商業性 3.0 香港 授權條款>發放。
 
|
河馬仔hiphip3678
註冊於: 30/08/2004 發帖數目: 6147 | 發表於: 2010-12-17 on 02:17
是日河馬仔心水選擇及賽果由看板娘---馬場樂子及馬場彩珠為大家報導:
(河馬仔揀馬真係好鬼水皮..............)
河馬仔第一,三,四,八場心水選擇:
(馬場樂子代筆)
第一場 :
12. 足球大師 - 轉倉後其實起初較重身,但跑過幾場後雖然都如同廄馬般漲身,但已唔多覺有肥態.此駒好多時都係居中個場會較留後表現得好.今場放頭馬的確唔多,除頭兩駒外,此駒今仗面對一批五班似是而非之對手,確有變身之象.
是場心水 :
12. 足球大師 - 1. 常山鎮寶 - 2. 創出傳奇 - 9. 喜相逢
第三場 :
11. 大地神駒 - 此駒可算係今場四平八穩之馬,上場跑多一步戰果確實可以好唔同.雖然型格都略為細細隻,但都唔再見好似以往般晨操成排骨咁,至少都有回唔少的肌肉感.今場對手雖強但勝在檔好又多馬擺前走,補中機會可算甚濃.
是場心水 :
11. 大地神駒 - 9. 實在好 - 2. 團隊福星 - 1. 友情友義
第四場 :
9. 生豪 - 上場其實雖然同百利旺一齊後上,但細心一看的話其實生豪在彎位時已走定出去,相反之下百利旺係在彎位末才順勢走出,而兩駒其實最後相差唔遠,而柏寶上場騎最後二百在推騎時由於有點片出片入,故此都頗難策騎.今場對手強還強,但副練12號跳一段四肢已唔緊,出腳整齊有力,確有大進步
是場心水 :
9. 生豪 - 2. 幸運傳奇 - 3. 質超駒 - 11. 飛躍之鋒
第八場 :
6. 勝利就手 - 上場隻馬單跳個陣仲係孭住個肚腩,但居然在當日接近冇可能後上之情況下走三疊都可以步步追入一席第四,冇質的話根本就冇乜可能.今場主力對手皆排檔較差,以其進步之象確實可與擂台躉如願以償爭先
是場心水 :
6. 勝利就手 - 4. 如願以償 - 8. 幸運愛駒 - 5. 金津好
是日三場全餐博冷門Q膽 :
(馬場彩珠代筆)
第一場 : 12. 足球大師
(唔中)
第四場 : 9. 生豪
(唔中)
第八場 : 6. 勝利就手
(唔中)
 
|
|
|
|
|
|
|
|