|
 | Hi Anonymous
|  | 免費會員登記
|  | 如有任何疑問，
按此可直接與船主聯系。 |
歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 ， 年 費 費 用 為 港 幣 1,700 元 正， 人 民 幣 1,600 元 正 。
月 費 費 用 為 港 幣 350 元 正， 人 民 幣 300 元 正 。
各 會 員 可 以 經 Fax 或 網 上 申 請，方 法 請 查 看 登 記 辦 法
| |
|
|
|
|  |
|
| Author |
(河馬仔專欄)1月1日元朗法國雪山咖啡法式午懇𦾡�+賽馬分析 |
河馬仔hiphip3678
註冊於: 30/08/2004
發帖數目: 6147 |  發表於: 2011-01-01 on 03:22
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
樂子：新一年祝大家馬運亨通!^_^
彩珠：我又祝大家六合常中!^_^
樂子：新一年第一日就有馬跑呢!
彩珠：1月1日都跑十一場!馬迷都好忙啦...不過都問問細妹先,近期邊位騎師最紅呢!
樂子：當然係新來香港的法國騎師紀仁安啦,好多下風馬都可以跑得好好架!當然啦,巫斯義,杜利萊,李慕華,甚至之前在港策騎的冼毅力也是我好喜歡的騎師呢!位位都好好功架的!
彩珠：咁今次都好明顯係講法國菜餐館呢!咁今次您講的店子在哪兒呢?
樂子：就係在元朗西菁街的法國雪山咖啡---Le Cafe Du Mont Blanc
樂子：呢間店河馬仔間唔中平日番工食晏個陣就會來試試呢,不過店的確唔係太大,所以好多時都好多人已經用緊膳呢!河馬仔都唔係次次來到都有得食架!
彩珠：咁一定好有吸引力才平日都有咁多人來食啦!睇睇個MENU先,有相睇噃,有名人噃!
樂子：聽河馬仔講此法國大廚有時在廚房出來休息時都好有笑容幾友善架,而且食物的質素都經常KEEP到一個好好的水準呢,所以佢見我地今日想寫法式午餐,叫我地來這兒呢!
彩珠：通常在香港我地去的法國餐廳通常都好大間之餘裝修都好豪華,但這兒就有一種好悠閒的鄉村小屋的風味呢!就算唔睇餐牌想睇午餐都可以睇下個牆噃.
樂子：係噃,此店的午餐SET來到可以睇個板呢!不過河馬仔話呢度有兩個午餐食落都好特別架,就係黑豚肉西梅汁同埋雪山沙律,不如我地就每樣要一個呢!
彩珠：不如加埋個法式PIZZA啦!有麵包來呢,嘩!好熱辣辣同軟綿綿噃!試埋個湯先...
樂子：一個係蒜蓉忌廉湯一個係芝士蘿蔔湯,兩個湯都夠熱又夠CREAMY,而且兩碗湯都好綿噃.
彩珠：我都好鐘意,特別係個芝士蘿蔔湯,雖然唔覺有蘿蔔粒但蘿蔔的甜味已融入了湯中,質地亦唔會太杰,的確好味道啦.都係要來主菜啦.
樂子：這個就是這兒的有名的午餐黑豚肉西梅汁呢,雖然睇落唔係非常大份,但的確夠食的,左上角的薯仔餅非常香脆又唔油,一咬落去一條條的薯仔條條就分明地食得出,配上甜甜的西梅汁已是非常合拍,再加上黑豚肉唔肥之餘又幾彈牙及煎得香口,好味道!
彩珠：呢個就係雪山沙律,雖然係凍食但食落又唔會太冰,反而溫度給我的感覺係爽口及清新,全個沙律最夠突出的地方就是麵包頂的水牛芝士,那種香味一入口確是全口都充滿那種獨特的豐郁香味,在加上爽脆的菜蔬及同樣美味的烚蛋,看似平凡但絕對食得出大廚在選料及配搭中的功夫.
樂子：家姐,原來PIZZA都有兩碟的,一碟係沙律來呢.
彩珠：個PIZZA唔係我地平時外賣食開的款或呢,今次焗得好香呢,試試入面先,同樣都係好重的芝士香味,但不同的是再加上焗過的蔬菜後熔埋入去個PIZZA的中心,味道係可以融合得相當好之餘又唔會肥膩感或膻味等等,真係食得出心機呢!
看板娘---馬場彩珠---對黑豚肉西梅汁,雪山沙律及法式PIZZA之評分:
樂子：食到都好飽呢,不過仲係好想有個甜品同熱咖啡呢.
彩珠：食甜品都最好有杯又熱又夠濃的咖啡呢,呢本應該都幾合我地心意啦...
樂子：夠濃之餘飲完都有餘甘呢,不過都係要等等個甜品先,好似今次有叫呢度有兩款特色甜品呢!
彩珠：就係白朗峰同埋黃帝批呢!
樂子：呢個就係白朗峰呢,白朗峰好似係唔係法國有名的雪山呢?一講起Mont Blanc就成日諗起墨水筆啦.
彩珠：白朗峰(Mont Blanc)是阿爾卑斯山的最高峰,係白色的山的意思呢.我地遷未去過這兒觀摩過這兒壯觀的風景呢,不如就試試這個白朗峰先,至少冇得去都有得食嘛!
樂子：係蛋白泡加雲呢拿汁來,真係一入口就像雪一樣溶化在口中,而那輕飄飄軟綿綿的感覺加上甜甜的雲呢拿汁,一淡加上一濃互相映襯下,那種入口溶化的感覺真係總叫人依依不捨呢,充滿浪漫呢.
彩珠：我就試試這個黃帝批先,一層一層薄薄的脆蛋批皮夾在一起在加上杏仁,真係食出鬆化及層次感之餘,本身唔太甜之下亦食到蛋香滲出,就算唔加CREAM,配上咖啡都已經相當滿意了.
樂子：講真全餐午餐都好好味道呢,在一個悠閒的環境中可以食到大廚精彩細膩的法國菜工夫,估唔到能夠在元朗搵得到呢!
彩珠：今次真係食得出法國菜的藝術及心機呢!真係值得一讚!
看板娘---馬場樂子---對白朗峰及黃帝批之評分:
河馬仔第二,八,十,十一場心水選擇:
(馬場樂子代筆)
第二場 :
6. 自由萬歲 - 灌木叢子嗣來港後多數都幾快熟之餘仲有唔少的上升空間,特別係今場有好大優勢之賽駒其實唔多,而此駒雖然晨操跳落個頸都會岳得較高,但出腳係步步有力之餘勁勢沒有因為條頸的關係而減弱或變亂.實力確實非此群可比再加上排檔有利之下看來熱門亦都難免了.
是場心水 :
6. 自由萬歲 - 9. 偉感 - 2. 醒目精英 - 1. 仔仔女女
第八場 :
1. 六六精英 - 當然此駒之實力到到現在其實都係咁上下,但經過上次之小休後復出開氣算係中規中矩,但今次準備眼見快跳又見回以往巔峰時出腳極辣之象,始終此分區一抽內檔當唔駛對住怪獸馬之下佢就好有入圍機會,今場看來機會較是四平八穩的
是場心水 :
1. 六六精英 - 4. 爪皇盛水 - 5. 如願以償 - 6. 精英財星
第十場 :
10. 共創未來 - 上場在國際賽下俾蓮華生輝頂住之下蝕位跑仲可以到最後頂住後面衝勁頗強的外地好手,講真以平磅來說已可說是超水準了,今場狀態比國際賽比較而言冇低落感,看來難逢敵手了.
是場心水 :
10. 共創未來 - 13. 高點 - 6. 愛跑得 - 4. 勝眼光
第十一場 :
8. 沙貝利 - 今季雖然表現有點下滑但本身走勢在近兩場確有逐步改善,上場唔係走入馬林下理應可更近,而今次縮回千六確是比長途更有勝算,而上場勞愛德騎軍事攻略應知該駒跑法,而軍事攻略可以守在軍事攻略後面才做指標來衝,未必今場出來減分的.只要今場能守到中間位的話際遇上會較其他馬有贏面.
是場心水 :
8. 沙貝利 - 2. 軍事攻略 - 10. 安鞍 - 4. 騰雲駕霧
是日三場全餐博冷門Q膽 :
(馬場彩珠代筆)
第二場 : 6. 自由萬歲
第八場 : 1. 六六精英
第十一場 : 8. 沙貝利
到了冬天了、白色都是冬季其中一種主色呢!而浪漫及溫馨的氣氛總會為冬季增添了絲絲暖意.
今次<河馬仔專欄>為了多謝各位長期支持、迎接這個浪漫冬季、看板娘---馬場樂子再次登場。今次WALLPAPER主題為「暖意白色聖誕」、繼續支持充滿心思及愛之同人創作。
今次由河馬仔出品、由同人組織FINGER AND FISH之畫師HECO繪製而成。以<共享創意 署名-非商業性 3.0 香港 授權條款>發放。
  ![]() 
|
河馬仔hiphip3678
註冊於: 30/08/2004
發帖數目: 6147 | 發表於: 2011-01-02 on 21:04
是日河馬仔心水選擇及賽果由看板娘---馬場樂子及馬場彩珠為大家報導:
(水皮...........)
河馬仔第二,八,十,十一場心水選擇:
(馬場樂子代筆)
第二場 :
6. 自由萬歲 - 灌木叢子嗣來港後多數都幾快熟之餘仲有唔少的上升空間,特別係今場有好大優勢之賽駒其實唔多,而此駒雖然晨操跳落個頸都會岳得較高,但出腳係步步有力之餘勁勢沒有因為條頸的關係而減弱或變亂.實力確實非此群可比再加上排檔有利之下看來熱門亦都難免了.
是場心水 :
6. 自由萬歲 - 9. 偉感 - 2. 醒目精英 - 1. 仔仔女女
第八場 :
1. 六六精英 - 當然此駒之實力到到現在其實都係咁上下,但經過上次之小休後復出開氣算係中規中矩,但今次準備眼見快跳又見回以往巔峰時出腳極辣之象,始終此分區一抽內檔當唔駛對住怪獸馬之下佢就好有入圍機會,今場看來機會較是四平八穩的
是場心水 :
1. 六六精英 - 4. 爪皇盛水 - 5. 如願以償 - 6. 精英財星
第十場 :
10. 共創未來 - 上場在國際賽下俾蓮華生輝頂住之下蝕位跑仲可以到最後頂住後面衝勁頗強的外地好手,講真以平磅來說已可說是超水準了,今場狀態比國際賽比較而言冇低落感,看來難逢敵手了.
是場心水 :
10. 共創未來 - 13. 高點 - 6. 愛跑得 - 4. 勝眼光
第十一場 :
8. 沙貝利 - 今季雖然表現有點下滑但本身走勢在近兩場確有逐步改善,上場唔係走入馬林下理應可更近,而今次縮回千六確是比長途更有勝算,而上場勞愛德騎軍事攻略應知該駒跑法,而軍事攻略可以守在軍事攻略後面才做指標來衝,未必今場出來減分的.只要今場能守到中間位的話際遇上會較其他馬有贏面.
是場心水 :
8. 沙貝利 - 2. 軍事攻略 - 10. 安鞍 - 4. 騰雲駕霧
是日三場全餐博冷門Q膽 :
(馬場彩珠代筆)
第二場 : 6. 自由萬歲
(唔中)
第八場 : 1. 六六精英
(唔中)
第十一場 : 8. 沙貝利
(唔中)
![]()
|
|
 |
|
  
|
|
|
|
登入
會員登記
