|
| Hi Anonymous
| | 免費會員登記
| | 如有任何疑問,
按此可直接與船主聯系。 | 歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 , 年 費 費 用 為 港 幣 1,700 元 正, 人 民 幣 1,600 元 正 。 月 費 費 用 為 港 幣 350 元 正, 人 民 幣 300 元 正 。 各 會 員 可 以 經 Fax 或 網 上 申 請,方 法 請 查 看 登 記 辦 法
|
|
|
|
| |
|
Author |
卡洛斯 卡洛斯啊 |
marko
註冊於: 06/07/2008 發帖數目: 566
| 發表於: 2011-05-24 on 07:31
威力高事件星洲重演
卡洛斯 24/05/2011
前日匆匆到新加坡走了一轉,為的是看故友生前購入的「加州萬里」出爭新航國際盃,可惜是乘興而去,敗興而返。
掃興的理由倒並不是因為這匹馬未勝出,在賽馬世界勝敗本屬兵家常事。問題是騎師的發揮完全遠離水準,練馬師告東尼臨場囑咐無論如何要留後跑,蔡明紹竟然順其自然地放頭,馬匹完全沒有交出應有的水準,這才是最令人失望的地方。
馬主肯支持蔡明紹,已經預計了無論騎功及經驗都不及人,既然一力支持本地騎師,跑輸也不會有怨言,問題是蔡明紹根本沒有盡力去執行策騎指示,如果馬太重口留不住又或者形勢上無法找到遮擋那是無話可說,但當日我看得清清楚楚是蔡明紹根本沒有意圖或企圖走到馬群之後找遮擋,情況有點像當日他策騎另一匹灰馬「威力高」,完全沒有遵照伍碧權的策騎指示而被罰停賽九日。
新加坡的受薪董事沒有展開研訊,這是蔡明紹的造化,若賽事在香港舉行,這樣的跑法恐怕要被罰停賽十八日。
筆者一直堅持蔡明紹是有天分的騎師,但心智卻不足以支持成為一個頂尖級騎師,太過倔強及自以為是乃其致命傷,在這樣一場重要的賽事中自把自為,不確切執行策騎指示不但令師傅告東尼面上無光,更會失去不少馬主的信任。希望小朋友珍惜前途,好自為之!
卡洛斯是否字字豬機? 落地有聲? 值得銘記心頭. 不知道哪位大爺可以不同意卡洛斯?
 
|
RM仔RyanMorre
註冊於: 20/08/2010 發帖數目: 452 | 發表於: 2011-05-24 on 10:09
我同意卡洛斯講法
可能我一直都覺得這名被稱為明日之星既騎師無好感
陣上往往順住走...
你要知道不是隻隻馬都係放頭跑法
咁樣完全令投注者大大損失
佢曾經講過志叔係佢偶像, 但佢有冇睇佢偶像點跑架?! 係咪隻隻放出黎先~ 係呢方面, 佢真係要學學其他師兄弟 e.g.梁家俊、何澤堯
當年勇舞
唔記得係邊個高手騎, 佢陣上同策騎指示完全唔同
雖然贏左, 但係下場都比人換左帥印
但告仔話要跑留, 佢跑放.....
佢其實係覺得自己贏梗 定 係過度緊張唔記得師傅指示呢?
我覺得告仔真係好錫蔡明紹, 但佢一而再浪費機會
可能好快到王志偉個階段=.=
 
|
rickytlb
註冊於: 20/12/2009 發帖數目: 4020 | 發表於: 2011-05-24 on 10:58
旁觀者清、當局者迷,一出閘點跑法就交由個騎師去發揮,須則賽前廐主、馬主、練同騎開過無數次閉門會議都好,都只係憑空氣去談兵,個人認為每個人唔應該製造壓力俾任何一個人,自己亦要有一份代入感去諗吓假如我係佢,能修練到如此境界,你每日都會好開心咁過,點隻Sam嘅"有酒今朝醉"大家嗒吓啦...
 
|
晒馬samana
註冊於: 08/03/2006 發帖數目: 3635 | 發表於: 2011-05-24 on 12:22
Quote:
|
On 2011-05-24 10:58, rickytlb wrote:
旁觀者清、當局者迷,一出閘點跑法就交由個騎師去發揮,須則賽前廐主、馬主、練同騎開過無數次閉門會議都好,都只係憑空氣去談兵,個人認為每個人唔應該製造壓力俾任何一個人,自己亦要有一份代入感去諗吓假如我係佢,能修練到如此境界,你每日都會好開心咁過,點隻Sam嘅"有酒今朝醉"大家嗒吓啦...
|
| "有酒應該今朝醉......
果場馬,小弟睇好隻西人,但一如以前賭中國足球隊一樣,小弟心理上接受唔到買對面,所以會買單双大細咁,依場買咗3-4單Q,無買西人wp....結果係贏馬輸錢,見到加州跑成咁,是有失望,但講心里話,小弟並沒有抱怨小蔡,理由:一.如果你純以賭仔心態去看,騎師是賭具之部份,自己情關未過,條數又仲未够精而已.二.如果你當小蔡係自己人咁支持,就如你個仔做咗錯事,或教极都唔聽話,咁你又可以點做呢?仲會唔會繼續比機會佢呢?其實小弟係味諗多咗呢?
 
|
船主~~home
註冊於: 13/03/2002 發帖數目: 9231 | 發表於: 2011-05-24 on 12:24
我自已諗到既可能性只有兩個,因為我純真。
1.我根本唔知boss落左咩order,到底告仔落既策騎指示係乜??(不過我諗一定唔會係放頭走)。
2.睇片見佢開頭係由約朿住隻馬,但轉彎時佢都放棄左,係馬群前段太慢,令佢失左預算(佢會覺得,我甘既速度,「正常」黎講其他馬都會係我前面,我就可以埋欄入馬群。),就好似我地開車cut線一線,都係會有甘既「預感」。
但之後發覺唔掂,就靈機一觸試下前領跑法。
告仔真係好鍚佢,有少少縱容佢添,否則呢D鏡頭應該唔會出現。
 
|
亂買sir (hinchung)hinchung
註冊於: 26/10/2005 發帖數目: 4079 | 發表於: 2011-05-24 on 15:42
其實唔駛講識唔識騎馬,只要有睇開跑馬既都知,佢咁樣係無努力試過約束隻馬留後!去到轉彎個陣就發現五疊唔係辦法,所以局放。後者是為勢所迫,但因為前者的發生才導致局住放!如果蔡明紹曾經盡力過而做不到的話,無人會怪佢!但現在這個表現?我係告仔就罰佢自己停賽十日啦!
 
|
|
|
|
|
|
|
|