Author |
暑期熱話及討論 (-) |
獲利rodney
註冊於: 14/09/2004 發帖數目: 2724 | 發表於: 2013-07-11 on 12:13
唔想見到暑期無跑馬,這裡太靜.....所以我希望每星期都有一個話題給大家討論下。一來希望從討論中,大家多交流,又可趁機把平時少有的題材提出討論下。
今次我提出第一個討論話題,當然歡迎會員及朋友再提出其他話題,讓這個暑期更熱鬧。
**********************************
1. 匯合彩池
什麼是匯合彩池??
匯合彩池對我們投注海外馬是有利還是有害??原因何在?
**********************************
 
|
船主~~home
註冊於: 13/03/2002 發帖數目: 9231 | 發表於: 2013-07-12 on 12:01
其實我不太知匯合彩池是甚麼,不過聽說馬會想攪日本仔個D「順連」。
可以買5-2順連。
 
|
獲利rodney
註冊於: 14/09/2004 發帖數目: 2724 | 發表於: 2013-07-12 on 12:08
其實我都唔太清楚細節,所以希望這裡有朋友講解下
順連,應該是外國的exacta
我在加拿大馬場都玩過,是要指定第一及第二名的連贏位
多謝回覆!!!!
 
|
亂買sir (hinchung)hinchung
註冊於: 26/10/2005 發帖數目: 4079 | 發表於: 2013-07-12 on 12:09
即係馬單?hahaha
即係老一輩知道既 科卡士...^^
呢個ok好玩既....
 
|
亂買sir (hinchung)hinchung
註冊於: 26/10/2005 發帖數目: 4079 | 發表於: 2013-07-12 on 12:15
匯合彩池就係世界大同。
因為馬會唔想一些賽馬機構為同一場賽馬提供兩個或以上既不同既賠率。
其實佢地既諗法,就係邊度有馬跑,就個度打莊!
全世界既賽馬機構打番個彩池入去當地賽馬機構度。例如如果新加坡又參加的話,馬會會打番新航盃個日既彩池入去新加坡馬會。
當然啦!新加坡經常轉播香港賽事架嘛!都係香港著數好多!hahahhaa
佢地既諗法,就係想世界既賽馬聯盟成為一個大莊,同個D外圍角力~~
因為好多地方既 合法外圍投注額及實力比賽馬機構多好多架!
咁樣今次匯合彩池,係稅項上需要修訂條例,因為如果馬會先抽稅,再打入人地既彩池,咁就出事了!即係香港馬會一定蝕稅。所以就修訂為純利制度。但係馬會包稅頭三年!另一項要修例既就係境外投注既豁免。
 
|
rickytlb
註冊於: 20/12/2009 發帖數目: 4020 | 發表於: 2013-07-12 on 12:15
使乜估啫,去各大手淫器些廚"匯合彩池"咪得知一二囉,另外果八九就等馬會官方公怖啦...
 
|
pmengineers
註冊於: 23/11/2002 發帖數目: 1020
| 發表於: 2013-07-12 on 19:01
Quote:
|
On 2013-07-12 12:15, hinchung wrote:
匯合彩池就係世界大同。
因為馬會唔想一些賽馬機構為同一場賽馬提供兩個或以上既不同既賠率。
其實佢地既諗法,就係邊度有馬跑,就個度打莊!
全世界既賽馬機構打番個彩池入去當地賽馬機構度。例如如果新加坡又參加的話,馬會會打番新航盃個日既彩池入去新加坡馬會。
當然啦!新加坡經常轉播香港賽事架嘛!都係香港著數好多!hahahhaa
佢地既諗法,就係想世界既賽馬聯盟成為一個大莊,同個D外圍角力~~
因為好多地方既 合法外圍投注額及實力比賽馬機構多好多架!
咁樣今次匯合彩池,係稅項上需要修訂條例,因為如果馬會先抽稅,再打入人地既彩池,咁就出事了!即係香港馬會一定蝕稅。所以就修訂為純利制度。但係馬會包稅頭三年!另一項要修例既就係境外投注既豁免。
|
|
HKJC news 2013/07/12
匯 合 彩 池 可 能 最 先 在 美 國 內 華 達 州 推 出 , 當 地 或 受 注 本 港 賽 事 而 直 接 將 注 碼 注 入 本 港 彩 池 。
 
|
d仔dfgghr
註冊於: 29/04/2003 發帖數目: 1705 | 發表於: 2013-07-12 on 23:06
(唔之有無GET 錯啦)
佢只關係地轉播賽事 (我地播外國 或 國外播香港)
既目的
1. 打擊外圍.
2. 推廣香港賽馬.
我覺得無乜影響力.
REF:
1. 2013 年 博 彩 稅 年 博 彩 稅 (修 訂 )條 例 草 案
http://www.legco.gov.hk/yr12-13/chinese/bills/brief/b13_brf.pdf
2. 二○○八年六月三十日止年度年報
http://special.hkjc.com/promo/ch/2008_annual_report/2007_08_HKJC_AR.pdf
 
|
rickytlb
註冊於: 20/12/2009 發帖數目: 4020 | 發表於: 2013-07-13 on 13:07
簡單嚟講即全球受注派彩一至啫!起初仲以為w/p/Q/PQ/T/單T/F4嚟個統一計算出獨立派彩添。
非法外圍最剎食係篤手指,如要杜絕只要用一招開立投注戶口就可無限借貸投注,啲外圍咪收哂皮囉...
 
|
marko
註冊於: 06/07/2008 發帖數目: 566
| 發表於: 2013-07-13 on 13:37
從蘋果網站抄的....來自 .. 噏 To You : 匯 合 彩 池 斷 外 圍 財 路
搞 咗 咁 耐 , 立 法 會 終 於 通 過 《 2013 年 博 彩 稅 ( 修 訂 ) 條 例 草 案 》 , 下 季 可 以 實 施 。 係 咩 嚟 㗎 呢 , 其 實 就 係 早 前 熱 議 的 「 匯 合 彩 池 」 囉 。 咁 「 匯 合 彩 池 」 又 係 咩 嚟 呢 ? 原 來 馬 會 除 咗 轉 播 外 國 賽 事 , 亦 會 將 香 港 賽 事 轉 播 畀 人 , 從 中 收 番 啲 轉 播 費 。 但 由 於 法 例 所 限 , 轉 播 費 可 以 收 , 人 哋 嘅 賭 注 卻 不 可 以 收 , 於 是 同 一 場 香 港 馬 , 全 世 界 就 有 好 多 唔 同 彩 池 , 亦 都 有 唔 同 賠 率 了 。 新 法 例 就 係 容 許 馬 會 將 外 地 所 有 賭 注 , 打 番 落 本 港 個 彩 池 度 , 咁 就 可 以 統 一 派 彩 , 藉 此 「 消 除 本 港 及 境 外 賽 馬 彩 池 的 賠 率 差 異 , 從 而 有 助 打 擊 離 岸 及 非 法 外 圍 賭 博 活 動 」 。 當 然 , 馬 會 轉 播 外 國 馬 時 , 本 港 賭 注 也 會 打 番 去 人 哋 個 彩 池 。
每 逢 有 新 嘢 , 衛 道 之 士 就 跳 出 來 反 對 , 說 甚 麼 鼓 吹 賭 風 云 云 , 以 前 反 「 賭 波 合 法 化 」 或 許 還 有 多 少 道 理 , 但 今 次 「 匯 合 彩 池 」 , 真 係 唔 關 事 囉 ( 早 前 各 報 已 有 大 量 文 章 闡 釋 , 不 贅 ) 。 我 重 申 , 本 地 賭 風 最 盛 的 地 方 , 叫 「 香 港 交 易 所 」 (388) , 當 中 有 隻 叫 牛 熊 證 , 散 戶 賭 上 癮 輸 到 PK , 衛 道 之 士 若 能 「 佔 領 中 環 」 , 爭 取 廢 除 牛 熊 證 , 那 就 功 德 無 量 , 阿 彌 陀 佛 。
回 說 「 匯 合 彩 池 」 , 由 於 香 港 政 府 並 不 會 就 外 地 賭 注 徵 稅 , 所 以 理 論 上 , 庫 房 收 入 不 會 增 加 。 咁 點 解 政 府 肯 開 綠 燈 ? 雖 然 外 地 賭 注 不 能 徵 稅 , 但 有 「 新 水 」 到 , 一 定 會 帶 動 更 多 本 地 注 碼 投 入 , 到 時 稅 收 就 可 增 加 。 車 , 又 話 唔 會 鼓 吹 賭 風 ? 係 , 因 為 呢 啲 注 碼 並 非 來 自 散 戶 , 而 是 專 業 投 注 者 。 個 彩 池 大 咗 , 對 散 戶 來 說 並 無 意 義 , 但 對 於 賭 大 錢 的 集 團 , 卻 是 提 高 注 碼 的 好 機 會 。
大 戶 睇 中 一 隻 馬 , 多 數 因 為 賠 率 好 ( 即 賠 率 高 於 值 博 率 ) , 可 惜 大 戶 一 出 手 , 就 會 推 低 隻 馬 個 賠 率 , 倘 若 推 得 太 低 , 低 過 心 目 中 個 值 博 率 , 那 就 沒 有 意 思 了 , 所 以 大 戶 也 會 就 住 買 , 未 必 能 買 到 心 目 中 個 數 。 當 彩 池 增 大 , 就 要 更 多 資 金 才 會 推 低 賠 率 , 如 果 外 來 賭 注 與 本 地 賭 注 睇 法 有 分 歧 , 大 戶 對 大 戶 , 投 注 額 就 會 進 一 步 上 升 。 政 府 雖 然 抽 唔 到 外 地 嗰 份 , 但 本 地 嗰 份 亦 相 當 和 味 , 所 以 唔 使 擔 心 , 出 年 稅 收 一 定 唔 會 縮 。
馬 會 暫 時 未 有 公 佈 細 節 , 外 地 注 碼 會 幾 時 先 打 入 彩 池 呢 ? 是 不 斷 的 輸 入 ? 是 一 分 鐘 入 一 次 ? 還 是 儲 埋 一 次 過 閘 前 先 推 入 去 ? 截 止 時 間 又 會 不 會 有 唔 同 ? 如 果 外 地 注 碼 截 止 時 間 較 早 , 那 對 本 地 的 賭 馬 集 團 實 在 是 天 大 喜 訊 , 因 為 可 以 睇 住 嚟 食 。
「 匯 合 彩 池 」 確 實 可 以 消 滅 套 戥 活 動 ( 透 過 不 同 賠 率 賺 取 差 價 ) , 但 說 可 以 杜 絕 非 法 外 圍 , 恐 怕 言 過 其 實 。 現 在 馬 會 抽 的 稅 率 是 17.5% , 外 圍 就 算 提 供 九 折 優 惠 , 仍 然 有 利 可 圖 。 不 過 少 了 套 戥 機 會 , 財 路 也 就 閂 了 一 條 , 也 是 很 傷 的 。 「 匯 合 彩 池 」 加 「 大 額 回 扣 」 , 外 圍 越 來 越 難 撈 。
 
|