On 2013-10-05 14:34, RyanMorre wrote:
跑得凱旋門大賽, 血統長力必定有番咁上下, 不過血統之間仍可以看出邊一個種會較為可靠, 而且要睇埋往績顯示去決定實力分野。

1號 名揚天下：此駒於三月司馬經典能夠跑獲季軍, 證明有一定實力, 不過要留意係出到歐洲賽場係配柏兆雷, 依家係配番老拍檔康域天奴, 跑大賽始終要搵大賽騎師才會給予穩陣嘅感覺。加上此駒留後競逐並抽中1檔, 凱旋門多年來, 內欄隨時冇位出, 該場機會相對較微。

2號 小說名家：出道以來11戰9勝佳績, 上下線皆有長力支持, 觀其腳法2800m也可應付。若出閘順利或以前置跑法競逐, 在今場大樹遮蔭下, 相信賠率上會成半冷大約10倍左右。

3號 愛加深：其2400經驗只有三次, 獲一冠兩亞, 其中2012年5月曾勝2400m-G2, 同場殿軍為迂迴百轉; 不過於2011年Great Voltigeur Stakes (G2)大敗於碧海映月8個馬位。一般而言, Dubawi子嗣跑一哩至中距離會較為出色, 此駒或以留前鬥後策略競賽, 雖然下線有Shirley Heights (莎莉高原)優越的長力支持, 但目前2000m為最佳路程。

4號 搖滾專輯：Montjeu x Madeira Mist 之愛爾蘭棗色馬, 上下線皆有極長力血統根據, 單以Montjeu來計, 其祖母Floripedes跑至3000m都贏, 故你可以從賽績見到搖滾專輯係一匹長途氣袋, 不過於此未必能與對手匹敵。

5號 迂迴百轉：一身灰毛受到上線遺傳影響, 但留意番競逐時昂頭跑係比較上難食力, 加上此駒已跑兩屆凱旋門仍未見觸目走勢, 機會相對之下較微。

6號 黃金巨匠：相信會是該場大熱門, 這匹馬王上年日本盃後休戰至三月底才復出籌備今季凱旋門一雪前恥, 賽前熱身賽-福伊錦標, 蘇銘倫吸收上年失敗經驗, 今年將發力點較上年為遲, 以避免上年度突然減速及內閃。

7號 蹤影何方：一身栗毛色受母線影響較深, 巴西賽駒首次出外於福伊錦標已見阻礙, 實力仍未夠爭。

8號 遨遊大地：Lando x Haya Samma之法國棗色馬, 上下線有長力, 不過若論血統質素, 於此並與其他爭勝分子卻難以抗衡, 可見該馬於一級賽仍未曾勝出。

9號 美利河：可以話同8號遨遊大地係老對手, 互有勝負, 但後駒仍未有一級賽接受證明, 比較之下料似係咁多。

10號 富林特郡：出道以來五戰獲三勝一亞, 其中於朱德望巴黎大賽勝出其一級賽頭馬, 但同場對手亦非一級頂賽駒, 與該場對手比較則有點比不下去。該駒好地表現則較為出色。

11號 掌舵人：Montjeu x Dance Parade, 6戰5勝, 並已經跑到15-16 furlongs, 但依家縮程落番2400m, 能否及時適應係一個問題, 邊線機會分子。

12號 沙漠綠洲：出自Monsun, 軟地特佳, 實力或較次, 鞍上人柏士祺曾策騎費伯華所訓練的鐵路聯線(Rail Link)勝出凱旋門大賽, 騎練組合值得重視。

13號 蓬萊閣：出自Monsun, 長力有就肯定, 不過實力方面比廄侶”富林特郡”還差一段距離。因在多維爾大賽(2500m), 此駒被Tres Blue所擊敗, 而Tres Blue被”富林特郡”於六月時以三個馬位擊敗。相信也可以看出實力的分野所在。同時主轡騎師紀仁安亦為”富林特郡”策騎, 相信此駒機會較微。

14號 高情厚意：其父大震撼千呼萬喚下只能於凱旋門跑獲季軍(其後因禁藥被取消資格), 此駒今年奪得日本打吡與黃金巨匠攜手衝擊日本人多年心願-凱旋門大賽。喜以留前鬥後策略競逐, 但日本國寶武豐出國跑此賽俱令人失望而回, 遠有白口罩, 近有大震撼。

15號 世界霸主：挾葉森打吡冠軍之名來挑戰凱旋門, 6月曾匆戰愛爾蘭打吡但配於岳本賢, 結果敗回。休戰兩個多月出戰各年都有不少馬參戰尼爾錦標作為熱身, 同場有挾朱德望巴黎大賽冠軍”富林特郡”, 日本打吡冠軍”高情厚意”。其實睇番該場賽事, 莫雅於賽事中處於被動的位置, 直路曾受阻於”富林特郡”, 最後200米才展開衝刺, 終點僅影輸”高情厚意”, 若同時間發力, “世界霸主”實力應比”高情厚意”還要高。

16號 薩哈瓦爾：Dark Angel x Saaryeh之灰色馬, 一直於較次馬場與較次級對手較量, 但其賽績亦不標青, 從血統來看, 都是以一哩會較好, 越級挑戰凱旋門未足以應付。

17號 才智高：Galileo x Impressionnante 之德國棗色馬, 遺傳至天文學家的大白鼻, 上線有長力, 下線則有短途爆發力, 源因其母出自Danehill。 今仗將首度增程至2400米, 血統顯示上哩半仍可應付。

18號 卓芙：出道四出四捷, 挾法國橡樹冠軍, 紅寶錦標冠軍之名來挑戰一班雄馬, 實力能否與一眾雄馬抗衡仍未知之數, 但紅寶錦標嘅蹄下敗將於之前的戰績亦未見標青(只曾於二級雌馬賽勝出而己), 而法國橡樹亞軍再跑愛爾蘭橡樹則勝, 之後再未有上陣。


個人心水：
15世界霸主 2小說名家 6黃金巨匠 12沙漠綠洲 17才智高

On 2013-10-05 14:59, geniusalex wrote:


小弟係hkhorsedb"睇場"咁耐..絕少跟人買馬(參考就常常)...但RM仔你呢次誠意十足..而且我真係對海外馬近乎零認知..所以今次唔駛講野..跟你..希望我唔會搭沉船

On 2013-10-05 15:09, RyanMorre wrote:

Quote:

On 2013-10-05 14:59, geniusalex wrote: 小弟係hkhorsedb"睇場"咁耐..絕少跟人買馬(參考就常常)...但RM仔你呢次誠意十足..而且我真係對海外馬近乎零認知..所以今次唔駛講野..跟你..希望我唔會搭沉船

文武兄, 多謝你支持我出帖
希望幫到你, 其實我都未知道個賠率係點
都係正常推理去判斷實力分野

見法國卻拉掛緊軟地牌, 所以博下隻沙漠綠洲 反先過隻 富林特郡.

On 2013-10-05 15:56, thomassinnn wrote:
心水：呢場馬範圍都很寛，黃金巨匠係好但太熱，上場一早守好位入直路仲有三百米已出頭最後好似輕鬆掄元但比起同日另外二場時間偏慢，世界霸主上場若果吾係笨實基本上己贏，高情厚意騎師太差相信都是留到包尾三四位到直路拉出大外檔，跑法太蝕，longchamp 呢兩日天氣不太好場地有機會是軟地，同場最銳應該是卓芙 其次是小說名家同才智高，首先講卓笑，有睇片的朋友都知佢的爆炸力有幾堅，只要比佢望空二百佢可以彈離亞軍二三個馬位，查爾尼都係老拍檔兼今年都有GI運，唯一就在外檔起步希望憑輕磅盡量蝕少D，Q膽，才智高吾擔心佢初跑哩半，柏兆雷跑馬排埋個9檔一定守好位甚至慢放都得，跑法有机會賺，小說名家夠銳連贏幾場group1 有莫狄但總嫌莫狄有時太淡定，世界霸主吸收上次經驗絶對吾會再輸比武豐加上岳伯仁其實都好想贏凱旋門，大膽飛起高情厚意，黃金巨匠四連環可以拖但太多數據要破兼太熱，太大期望恐怕曰本仔都是失望收場其實上一年是黃金機會可惜連蘇林美亞呢D二級馬都贏吾到就別期望太大同時總覺得佢今年狀態吾及上年，三恩😛。 最後提供睇埋今日跑道形勢同騎師狀況今日都有好多場G1同G2 多謝

On 2013-10-05 18:13, RyanMorre wrote:
2號馬 小說名家 將退出比賽

個人心水將改為：
15世界霸主 6黃金巨匠 12沙漠綠洲 17才智高 18卓芙