登入會員登記
Hi Anonymous
免費會員登記
如有任何疑問, 按此可直接與船主聯系。

歡 迎 訂 閱 「HKDB」會 員 2020- 2021 年 費 計 劃 將 於 現 時 開 始 接 受 註 冊 , 年 費 費 用 為 港 幣 1,500 元 正, 人 民 幣 1,350 元 正 。
月 費 費 用 為 港 幣 300 元 正, 人 民 幣 250 元 正 。
 各 會 員 可 以 經 Fax 或 網 上 申 請,方 法 請 查 看 登 記 辦 法

登入名稱

密碼


還沒有帳號嗎?請建立帳號
首頁 
推薦本站 
聯絡我們 
個人帳號 
馬迷討論區 
申請PCS 
個人評述系統簡介 
FAQ 
收費事宜 
個人排位表 
個人配磅表 
網友心水馬 
各場獨贏賠率 
各場連贏賠率 
各場位置走勢 

 香港賽馬 球迷集中贏 其他 來賓討論區
 香港賽馬 足球論壇 更新意見及報錯處 查詢
 刨馬技巧 個人評語系統
 銀行馬討論 你地鍾意貼乜就貼
 血統及外國賽事資料 會藉查詢
 賽事片段跟進馬 
 VF討論 

河馬仔專欄
管理員: hiphip3678
  
Hong Kong Horse Database Forum Index >> 河馬仔專欄 >> (河馬仔賽馬專欄)2021/02/14
Author (河馬仔賽馬專欄)2021/02/14
河馬仔hiphip3678









註冊於: 30/08/2004
發帖數目: 6115
發表於: 2021-02-14 on 00:22

情人節不用慶祝,而且自己原來都好耐冇買過馬,得閒又可以玩番兩手,睇下改下玩法試試先。

三季累績:- $288214

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)

唔要的馬 :

7「友盈友福」呢隻以前在岳伯仁手下,跑慣國際大場的電兔「King Neptune」,雖然話就話大場能手,但講真自己來港之前,都係贏過第一場初出4隻馬跑的膠沙賽事,來到香港真係點跑都係一鑊粥,試閘都係咁推,晨操換腳又唔覺好清脆,跑姿又有點”疾”,總之就好怪,而且真係冇場跑得近,未服水土得誇張。

8「上駿之星」外地有眼罩的兩場與前兩場好大距離,而且此駒在外地跑千四看似要自己展步順暢發力較佳,今次一來可能路短,眼罩又冇,再加上之前有少少時間快跳間隔有點長,晨操仍未算好定個頭動作幾多,比一點時間應該有點作為。

10「宇宙英雄」在澳洲乃一隻中距離後上馬,在高力贏的一場1600米要中段踩油,千二太短,但隻馬試閘係好了一點的,但看來仍要等。

13「蒲俠超得」本來都想試一試,今場冇乜馬放,但一配「黃」就相當奇怪,一來「黃」與「容」上季和今季到現在交收歸零,就算話兩年前隻「嘉應傳奇」爆大冷都係「楊」棄騎變「黃」,但今年的「黃」的確相當乏人問津,而此駒其實仲係度不停換配備,個口都係好搶仲係用緊馬定基,隻馬上次跟住入直路之後散到一PAT野咁,此駒如唔狂放的話又真係在外檔唔知點跑,但有「陳」唔用又係奇怪,總之好大陣減分味。

作配的腳 :

1「志力同心」在外地起初前景唔差連勝三場,但都係天生速度1111咁贏多,但一出萬富圍跑級際賽就唔多得,幸好最後一場跑費明頓直路都中段透出,跑法好似略改一點知道追馬。不過如單以上場計,成條直路都係ONE PACE過隻「蒲俠超得」,最後都係力度一般,個第四普普通通,熱門就唔多值。晨操又唔係好變速,驚可能係一些盡哂要減分之流。

2「樂滿貫」贏卡拉卡達碟的一場算是級數厲害,但來到香港經常轉去谷草又係有點奇,上場唔出閘就真正立地,在外地此駒出閘都唔一定超順,睇下轉左場會否有點好轉少少,但隻馬都係古靈精之流,跑心情的馬匹多。

3「簹多福」係一隻要留後等到最後五百衝的馬匹,上場話飛開少少轉彎但都冇乜理由連隻大受阻之「綠色勇駿」都追得過,今場仲要十三檔,仲要得隻「蒲俠超得」可能放,狀態唔差但唔知好唔好跑。

6「高明駿將」我點說服自己都好難說服用來做膽,就算熱都係咁講,隻馬又尺寸出閘又唔多快,跑千四要內欄或前段好快,跑谷草千二又要極睇形勢,勉強可以話之前幾場排檔衰要留後,但此駒季初一場用「潘」,得八隻馬守到靚一靚,連隻「各取所需」都過唔到,今次檔好但此駒唔知點解A檔又唔係咁好,最多話隻馬試閘之後一場都有第四以上咯。

8「至尊高陞」隻馬跑千四可能現時分唔多,前一場贏完後就走樣,今次換上冷配「彭」未必唔得,但此駒落腳真係幾慢,級數落千二尚夠但真係要睇早段可否整得郁隻大巴,如早段唔夠快都好頭痕。但講真「蔡」「彭」配之中,好少由「巴」棄騎後的例子,但拖一票仍有必要。

12「成之寶」此駒相當不明,早期都係「巫」接手後,第一場追得不錯,但後期走樣得幾緊要,上場泥地明顯跟唔到,但早期見「潘」摸住唔少,此駒雖然外地戰績相當麻麻,估都未必會係有好多進步空間,但此駒減過分,個閘霸氣幾堅,用上「巫」會否試慣試熟轉田草有野睇,呢類邊線馬都係唔敢飛走。

14「二話不說」隻馬個一分都係唔成功減走,隻馬仲係銳又有點千四能力,成日阻住個第四係好麻煩,狀態未落。

馬膽(孖)
4「開心威龍」雖然看似「田」棄騎,但此駒感覺谷草一千非其合適,此駒在外地名為The Drinks Cart,只贏三場黃金海岸短途賽事,但此駒非要守好位的馬匹,隻馬贏馬要留後一點,轉大彎一湧而過的馬匹,所以上場有好位反而發揮麻煩,又要搶口又要跟前。今場換跑法冇乜太多寄望的「薛」,如立心早段守在七八位的外面,反而好跑好多,此駒尾二外地贏Written Beauty的能力非常強,該駒也是及後表現可多勝之份子。而最後一場在鷹園跑千四居然走大彎後上發力在阿堅斯錦標入個第三,該場都係最後一步先輸個第二,跑法可能大場才合,之前如此部署感覺有點騎呢,隻馬仲有分在手,可能上到一二班的。

5「利害了」在呢個分加「周」之減磅仍有可圖之機會,上場雖然追唔切隻「弛曜風」,但當發現前面係隻「好眼光」仍可原諒,至少此駒今次操練正常,贏就有點困難但如果跑回季初入第二的能力,咁呢組的對手又未必有好多隻可頂得住。

馬膽(正)
11「健康美麗」轉倉後真係等到牛年,終於肯跑田草千二最首本,雖然馬房今日出個批馬真心唔太強,但呢隻馬我點都博一次,此駒谷草唔強,感覺田草千四識贏但相當尺寸加落雨內檔才好,但千二就唔同,呢隻馬跑田草千二相當有TALENT,而之前田草一千跟本不合都已懂得撲上,之前「潘」跑千四外檔一場,對手就算不算強但在此分區仍入第四真心算好,今次終於等到佢來,用上另一「潘」,檔位中間對手更弱,去到呢個分真心如發揮有運的話食得唔奇。

(河馬仔賽馬專欄)2021/02/14真金投注紀錄








  Profiles of hiphip3678   ICQ Status  Add this uder to your ICQ Contact List    
河馬仔hiphip3678









註冊於: 30/08/2004
發帖數目: 6115
發表於: 2021-02-14 on 17:38


2021/02/14「河馬仔賽馬專欄」,牛年中哂腳。

是日 : - $21000

累績 : - $288214 - $21000 = - $309214


  Profiles of hiphip3678   ICQ Status  Add this uder to your ICQ Contact List    
  
Lock Topic Move Topic 刪除帖子
Web pages will look best if you use Google Chrome (1280 X 960) or above.
(c)Copyright. The hkhorsedb.com ALL RIGHTS RESERVED. If You Want Contact us , Please mail to Contact
訂閱條款