|
| Hi Anonymous
| | 免費會員登記
| | 如有任何疑問,
按此可直接與船主聯系。 | 歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 , 年 費 費 用 為 港 幣 1,700 元 正, 人 民 幣 1,600 元 正 。 月 費 費 用 為 港 幣 350 元 正, 人 民 幣 300 元 正 。 各 會 員 可 以 經 Fax 或 網 上 申 請,方 法 請 查 看 登 記 辦 法
|
|
|
|
| |
|
Author |
Fixed Odds |
afanti
註冊於: 08/02/2003 發帖數目: 71 | 發表於: 2007-04-16 on 22:23
前幾日口快快話想寫下fix odds,MML兄和liup兄立即回貼“施加壓力”,搞到自己騎虎難下,真係有d後悔,其實在下對fix odds從來冇研究,只係見大家討論得咁熱烈所以想插下嘴,顯得自己冇咁out,hehe…
小弟愚見,fix odds之中,“低水”的熱門比較有留意價值(必須聲明,只是“較有留意價值”,不是說買晒“低水”熱門就能贏錢),而且最重要的不是比較最後派彩的“水位”,而是看開飛之後整個賠率變化過程。其實MML兄和liup兄等各位高人都早已留意到,小弟再寫落去真係班門弄斧兼畫蛇添足。
大家睇fix odds,不外乎睇兩個方向,一種係像金仔兄一樣搵“高水”,這是我等普羅馬迷的普遍心態,即“搵著數”也;另一種係像liup兄一樣搵“低水”,這無疑是一種更聰明的做法,因為大家都知道夠膽企出來做莊的肯定係高手,搵“低水”即尋找“高手的智慧”也。
到底是“搵著數”容易d還是“搵智慧”容易d?我們應先看看fix odds的賠率分佈,比較馬會的賠率和莊家開出的fix odds,可以發現fix odds普遍係熱門略為“高水”,冷門就“低水”。
莊家為什麼這樣開盤口?突然口痕痕想講下廢話,記得早幾年睇過一d鬼佬研究賠率分佈的文章,有人對美國和英國好多年來成千上萬場的賽事作了分析,得出一個冷熱門賠率偏差結論,即賭徒多數低估熱門的勝出機會,高估冷門的勝出機會,這就是統計學上的趨於平均值現象(regression to the mean),原因係,賭仔面對睇唔透而又想參與的賽局,多數會著眼於高回報的投注目標“搵著數”,令賠率趨於平均,而冷門被高估。不過,我覺得呢種只係鬼佬心理,對香港人似乎不太適用,香港人與其說是鍾意“搵著數”,還不如說是“怕蝕底”,所以香港凡係有人排隊的地方都總會越來越多人排,新樓盤開售係咁,抽新股又係咁,雖然好多人都唔知排來做乜,只係覺得排左“冇蝕底”,同樣道理,香港d馬總係熱門越買越熱,冷門越買越冷,就係呢種跟大隊冇蝕底心理所致。
套用呢個理論,如果fix odds莊家的客戶多數係鬼佬,咁就可以解釋到點解fix odds普遍係熱門“高水”冷門“低水”啦。
不過,這畢竟係理論層面上的口水,所以我話係“廢話”。實際上,莊家這樣開盤口,有更現實的需要。如果由你來做莊,你就會諗到,最能優化自己利益的情況就係:有好多人來幫襯,而每次賠比佢地的錢盡量少。即係:一要刺激投注額,二要控制賠錢的風險。
要吸引多d人來投注,當然就要開“高水”了,但冷門開“高水”的風險會好大,萬一有人收到馬房內幕消息,或者有比莊家更高手的高手來“踢館”,訓身落隻大冷門得手,如果莊家開“高水”就真係走佬都唔掂。開“低水”就可以化解呢種風險,一來,“低水”可以降低賭仔的投注意欲,降低賠大錢的可能;二來,就算有人存心來“踢館”都冇有怕,將d錢轉投落馬會彩池就得,因為呢次係馬會彩池“高水”,簡直係多多益善。(我睇過canbet個網好似係開跑前一兩分鐘就截止投注,遇到呢d情況完全可以咁做。)
由於冷門之所以係冷門正因為係投注的人不多,所以冷門開“低水”對投注額的影響不會好大。而要吸引人來投注,就要在本來就“惹飛”的熱門開“高水”了,最考驗莊家功力的應該就是這一環了,他們必須計算哪隻馬受得起注,開“高水”搶生意,哪隻馬贏馬的機會大,就開“低水”避免受注。這就是為甚麼我說“低水”的熱門比較有留意價值了。
點解我又強調應該睇開飛之後的過程而唔係比較最後派彩結果呢?我想舉今季514場次隻“叻百利”做例子,呢場“叻百利”4.3倍贏馬,canbet的fix odd係4.75倍,睇結果係“高水”,即係金仔兄果句“賽果比香港馬會為高”,呢次仲唔俾賭仔搵到“著數”賠死莊家?當然唔係,其實“叻百利”開跑前一直係5點幾倍,canbet的fix odd則在4.75倍至5倍之間,一直都係“低水”,在莊家截止投注後,“叻百利”才在開閘前一刻插落4.3倍。我一直在諗,最後將“叻百利”推到4.3倍果舊錢是不是莊家的呢?如果係,莊家不但贏大錢,還製造了一個唔向莊家重插“叻百利”真遺憾的“高水”假像給馬迷,簡直係完美勝利。
為甚麼又說就算集中買“低水”熱門也未必能贏錢呢?因為一場馬之中,莊家開出的“低水”馬會有好多隻,更關鍵的是,莊家在開出的fix odds並沒有完全曝露他們的計馬功力,因為公開的fix odds並非他們所計算的expected odds,所以我們根本無法依賴fix odds,運用Kelly Criterion等工具作注碼分配,謀求最大利潤。
舉個例來說明,假設莊家計馬功力奇高,計到“叻百利”有50%的機會取勝,即expected odd值2倍(為方便說明,在這個例子假設馬會和莊家都不抽水),馬會的賠率是4.3倍,向馬會投注“叻百利”的expected value就是2.15,遠遠大於1,是一個非常“值博”的投注機會。但莊家不可能將“叻百利”的fix odd定作2倍,一旦這樣做,“叻百利”就會嚴重“低水”,其他馬就會嚴重“高水”,賭徒就可以利用呢個嚴重偏差,向馬會投注“叻百利”,向莊家投注同場其他馬,做一個無風險的對沖套利,最後將導致“叻百利”在馬會的賠率被大幅打低,假設變成2.5倍,那麼“叻百利”的expected value也將急降至1.25,投注價值大減,而同時莊家還要面對50%機會(“叻百利”之外的同埸其他馬)要賠大錢的巨大風險。故此,莊家在設定fix odds的時候,最聰明的做法是根據馬會賠率作輕微的調整,而不是曝露他們計算出來的expected odds。這樣一來,我們也就無法從fix odds看穿莊家真正的計馬智慧了。
講左咁多廢話,得出一個最廢的結論:我們單看fix odds,最多只能估下莊家睇高邊隻,睇低邊隻,但睇高幾多,值得博幾多呢d最實際的資料還是一概不知的。
諗起一句鬼佬的話,大概意思係:
當你要去賭,你總會覺得掌握不到足夠的資訊去贏錢;
當你獲得很多資訊,你總會覺得那不是你想要的;
當你終於得到很想要的資訊,你總會覺得其價值不如你付出的代價大。
呵呵!大家繼續各自修行吧。
 
|
MML
註冊於: 05/04/2003 發帖數目: 5650
| 發表於: 2007-04-17 on 00:03
分析得好全面。 如果真係從來冇研究, afanti 兄嘅邏輯思維好好啊!
 
|
liup
註冊於: 13/09/2003 發帖數目: 2628 | 發表於: 2007-04-17 on 12:34
分析全面, 思路清淅, 完全同意各項見解.
afanti兄隨手一篇的分析文章, 已盡顯其詞筆行文的深厚功力, 文中除論點論據上呼下應外, 還完全符合傳統美式英文essay的結構, 確實是一篇 A+ 文章.
 
|
上帝禁區joey909kl
註冊於: 13/05/2003 發帖數目: 2105 | 發表於: 2007-04-17 on 14:24
寫中文 爆好人~ 一個字:酷
 
|
d仔dfgghr
註冊於: 29/04/2003 發帖數目: 1705 | 發表於: 2007-04-17 on 16:23
加上阿liup 的精美插圖點綴!
謝謝各位
 
|
MML
註冊於: 05/04/2003 發帖數目: 5650
| 發表於: 2007-04-17 on 18:38
謝謝 liup, 睇黎我而家做緊嘅 VF report 都好千瘡百孔, 冇尾冇頭冇 body ..... 下次要學下寫大綱起稿先 ^_^
 
|
lis
註冊於: 18/11/2005 發帖數目: 3 | 發表於: 2007-04-19 on 00:34
我想問"Ias"-是否可改"setting"變正常?
 
|
獲利rodney
註冊於: 14/09/2004 發帖數目: 2724 | 發表於: 2007-04-19 on 01:07
Iis,
你要改IE的setting才可以睇到!
 
|
liup
註冊於: 13/09/2003 發帖數目: 2628 | 發表於: 2007-04-19 on 14:44
Quote:
|
On 2007-04-19 01:07, rodney wrote:
Iis,
你要改IE的setting才可以睇到!
|
|
補充些少, 同一個 Ias 網址 http://www.iasbet.com/site/racing/racingmeetingsstatus.aspx?type=R&country=HK&date=
如果個 browser locale set左係英文 (例如 en-us), 將會正常睇到網頁所有內容及資料 (如下圖):
http://www.hkhorsedb.com/upload/files/uid_1614_locale_english.JPG
但如果個 browser locale set左係中文 (例如 zh-hk), 除CSS settings會全部失效外, 更嚴重的是所有 static text 及 graphics 都會睇唔到 (如下圖):
http://www.hkhorsedb.com/upload/files/uid_1614_locale_chinese.JPG
Setting the Locale for Internet Explorer:
1. Choose Tools > Internet Options > General > Languages.
2. Click the Add button.
3. Click the locale (language-country, 例如 en-us).
4. Click the OK button.
5. Select the locale (en-us) and use the Move Up button to move it to the top.
6. Click the OK button
7. Then refresh the webpage
 
|
lis
註冊於: 18/11/2005 發帖數目: 3 | 發表於: 2007-04-19 on 15:17
Thanks All ,
 
|
|
|
|
|
|