河馬仔hiphip3678
註冊於: 30/08/2004
發帖數目: 6147 |  發表於: 2007-11-27 on 21:19
仲有五天就係考試啦,都係買左馬先算啦............
下星期開始會講下馬場日文啦,到時試下搜羅一下會見到的馬場日語,來預備一下十二月九日之國際賽事.
第7場 第一班 1000米 快活谷草地 80-105
1.寶樹友盈-上仗能蝕磅下同贏到騏綵冇得跑的蓮華生輝串Q都可肯定佢的地位.今仗雖然磅重但當隻馬已經可以縮來跑的話,贏面真的非常高
2.鐳射寶-雖然同程真係路短加上柏寶操完又唔要,但隻馬配湯仔又啱跑,一點疲勞都唔覺,而且唔多FIT的快馬又極多,故此冷腳可期.
3.至勇名駒-上場跑外疊而且殺唔到埋欄下極快潰不成軍,今仗就算跑一千但內疊快馬同樣極多下未到時候
4.五五波-上次睇落對手唔強,但極奇妙同火箭動力及後都有好成績,加上上次放頭係走甩對手下今仗QT仍可兼顧
5.新東武士-隻馬現時都係等泥地發難多,上場頗近但跑谷草一千外檔會好蝕
6.鼓浪旋風-上場雖然叫做有一點FIGHT BACK,但其實有一段係跟唔上,隻馬前速開始見弱下今仗快馬又唔少,如熱實際上係唔值捧
7.點心-上次個第三係普普通通,實際證明唔多,今次潘生感冒唔騎,仲要換人排九檔難有作為
8.紅旗威揚-隻馬雖勇但現時又係有限公司,入面有鼓浪旋風就會異常難跑
9.璐悅-上戰雖然都唔係好,但其實佢走個三疊都唔係好跑,曾經見到有幾步上前發難足見隻馬來緊,今仗有意縮程跑確有機
10.大好時機-上次大漏閘後上係好,但講真谷草一千漏閘都好肯定瓜多過菜,換賴仔跑就算出到閘用前速克敵又係困難
11.雪山神駒-工夫算多左一點但隻馬仲係步伐唔夠闊,而且同父馬在港跑千四以上較佳,現時睇多一場先
12.去馬-雖然一千耍家,但上場贏隻勁力十寶蹄又真係好辛苦之餘而且一步唔蝕才贏得,今場七檔已經唔好,加埋同場對手比上次高一至兩班下難偷雞
是場心水:1.寶樹友盈-9.璐悅-4.五五波-2.鐳射寶
  ![]() 
|
登入
會員登記
