Hong Kong Horse Database - 網上主筆主頁

　最近睇新聞，董伯伯辭職，到底有多少人會開心??或者又有幾多人覺得無左個出氣袋而失落??我諗呢劑應該係佢\自動辭職，而唔係阿公叫換人，換人等多幾年都ok丫。
　到底換班子對香港影響有幾大??真係唔知，不過之前一堆政策實在令人摸不著頭腦，一時又壓抑樓價，一時又話要推高佢\，減減加加都唔知佢\想點，又中藥港、數碼港、轉口站九千幾個名，結果無樣掂，浪費左幾多人力物力，不過，故勿論成功\與否，肯變都係好事黎既。有人話好鍾意佢\，因為佢\勤力，牛夠勤力，咪一世耕田羅....
　至於我公司亦有重大人事變動，新官上任，已經有好多動作，都真係唔知會發展成點，希望保住到個飯碗，繼續同同事hehehaha啦。
　言歸正傳，今次打比賽馬日，小弟屬意既愛駒就正正係打比大賽既「勁將軍」，此匹外地一級賽盟主係澳洲跑過兩場一級賽都入三甲，論卡士應該係最高，來港後所跑途程都以千四千六為主，屬嫌短多少，今場逢大賽，路程又正宗，交代之時已到，雖然話醫生好好賺，但都唔會話甘多錢買隻馬返黎完全無期望既，今場又未致於雞肋份子，值得再執一劑。