|
 | Hi Anonymous
|  | 免費會員登記
|  | 如有任何疑問，
按此可直接與船主聯系。 |
歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 ， 年 費 費 用 為 港 幣 1,700 元 正， 人 民 幣 1,600 元 正 。
月 費 費 用 為 港 幣 350 元 正， 人 民 幣 300 元 正 。
各 會 員 可 以 經 Fax 或 網 上 申 請，方 法 請 查 看 登 記 辦 法
| |
|
|
|
|  |
|
| Author |
(河馬仔賽馬專欄)2020/11/01 |
河馬仔hiphip3678
註冊於: 30/08/2004
發帖數目: 6147 |  發表於: 2020-11-01 on 01:59
三季累績 : - $216669
(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)
近期真的有點失算，希望今次可以成績好一點啦，今次就揀第九場的三班千二米。
第1選
5『美麗高飛』雖然在外地贏個兩場對手真係唔算好叻，亦知個種多數早熟早用早殘居多，但呢隻馬試閘雖然癲D，但近兩日晨操都算定好多，而且馬樣唔差，在外地主要用速度搵食，而頓哥同希斯合作唔計前馬王之外，講真幫襯得的都唔多衰，而此個倉雖然近期新馬真的麻麻，但又冇乜理由冇一隻半隻鎮倉寶，而頓哥肯跑得新馬，都唯有信佢係真堅啦，至少泥閘轉彎算順。
第2選
8『共創繽紛』上場當然三疊算好，但其實此駒是否真的三班極超當然未證明好足，不過上次都知道走唔過隻『夢想成金』之後都應該不算用力過量，如果估隻馬仲有點水位的話，加上忠心馬吼一席都要。
第3選
4 『共同勝利』上次看似一般，但至少此駒此程終於知道有一定三班能力，就算在外地成績麻麻，而且不是轉速力好強的馬都好，此駒只要操控得好的話，纏鬥力幾夠，今次賽前全用單跳，希望係證明隻馬已是不用再省及到位啦，呢個倉跑三場的PP有野睇都算來得快係好事來。
四重彩腳
2『順勢贏』雖然在兩次試閘之間工夫放緩，而且巴度唔騎，仲要外地全跑直路，但此駒相當受騎，在外地跑千二贏G3一仗相當忠心難纏，現時千四力度未夠，但未來未必實力在『美麗高飛』之下，可能一兩場就到位。
3『場場精綵』上場縱然極度失望，但隻馬晨操又真係冇乜問題，而安哥肯再騎又係有點意外，會否今場縮後少少跑會較好發揮呢，俾多次機會冇就算數啦。
9『怡昌飛駒』之前工夫好緩狀態知佢未夠，但如以上年尾一場來計，去到呢個分應該可能仲有一場半場，至少可以在四班彈開一眾對手亦是實力表現。
其他
「輝煌芯」上次真係冇個十磅真係好可能P都冇，上場跑到最後一百都有點辛苦，今次內外快馬未必會少，分盡的馬仲要博佢出閘順利不如博佢唔得。「電訊巴打」上場真係表現麻麻，晨操仲係有點燥火側頭。「嘉應精英」上場真係飽飽，原來隻馬仲可以留少少力，但上場形勢真係極佳，但跑到最後兩步都差點被過，而以往贏馬鮮有打疊即勝，今場唔知會唔會因檔外縮唔到焗走。「都柏名駒」上次贏馬就算精彩都好，對手真心四班都要睇形勢先諗的份子，而本身呢隻馬出閘未必好爽，又唔多受到困及撞，今場對手眾多真的疑點重重。「萬眾力得」晨操看似好銳，但此駒跑一千識追，未必代表千二會追，上年三班跑千二的一場跟前轉彎都力弱到得人驚，今次內檔又有隻「輝煌芯」未必易放到。「淺草飛」上年放頭一場99倍第四事實全場慢放，之前跑谷草就算快入直路都唔得，不如落班博谷草一千更好。「巴基之友」轉左倉算精神健康，係呢程14檔放唔放得出就好疑問，賢楠配今季同上季都冇乜野睇，試閘又不停縮耳。「明欣賞」可能引到不少大戶，但沒有樂哥的十磅又係麻煩，而且巫賀配今季跑兩隻全包尾，上季都係跑得一隻馬，仲要明輝操完都騎隻勝望甚弱的「淺草飛」，睇樣似四班再算。
(河馬仔賽馬專欄)2020/11/01真投注紀錄
  ![]() 
|
河馬仔hiphip3678
註冊於: 30/08/2004
發帖數目: 6147 | 發表於: 2020-11-01 on 17:51
2020/11/01「河馬仔賽馬專欄」，都揀到隻冷的共同勝利，四重彩都捉到隻順勢贏，兩次都係冇要隻嘉應精英就出事。
是日 : - $18645 + $1980 = - $16665
累績 : - $216669 - $16665 = - $233334
![]()
|
|
 |
|
  
|
|
|
|
登入
會員登記
