|
 | Hi Anonymous
|  | 免費會員登記
|  | 如有任何疑問，
按此可直接與船主聯系。 |
歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 ， 年 費 費 用 為 港 幣 1,700 元 正， 人 民 幣 1,600 元 正 。
月 費 費 用 為 港 幣 350 元 正， 人 民 幣 300 元 正 。
各 會 員 可 以 經 Fax 或 網 上 申 請，方 法 請 查 看 登 記 辦 法
| |
|
|
|
|  |
|
| Author |
(河馬仔賽馬專欄)2021/06/06 |
河馬仔hiphip3678
註冊於: 30/08/2004
發帖數目: 6147 |  發表於: 2021-06-06 on 02:16
三季累績：- $287825
今次就揀一場相當有明星味，三班1200米賽事。
位置Q三馬膽
1「知道再勝」雖然上場都真係幾失望完全迫近唔到隻「當家精神」，但看最後幾步隻馬尚算撲前的，而今日本可報田草直路1000米都要走回呢度報個名，當然知道今場贏馬難度更高，但本身隻馬上次看似仲可留得到的話，可能增程有助。
2「行星夢」雖然今季「楊」轉「豐」之紀錄相當少，但上季「喜多樂」「御風超影」皆有此敗後換人即勝的情況，此駒手術後仍有喘鳴問題，但上場就算對手好水都好，此駒在缺陣極欠下，沿途塞在內欄跟本直路冇出過，但最後其實差點撞開衝到但已到終點，全程近乎冇發揮。今場有不少快馬加上有外檔，對此大隻馬有助，此駒未必能勝兩隻新星，但要對住一批三班長客在78分博個第三未必不可，至少今季用得真心好少。
11「神之水滴」雖然上次真係贏慢步速，但隻馬真心晨操好放鬆，而隻馬未必單純放頭，而且大大隻隻又大步，講真可能仲係過客而言又未到唔要的理由。
後備位置Q馬
12「確認眼神」雖然知道真係「雅」近期表現真係相當唔知點咁，但今場未見底牌可能係此駒，雖然呢隻馬應該都係中距離較好，但上場跑1400米明顯對手強之外，前段亦快，此駒跟本未夠實力同呢棚馬鬥。今次回1200米對手弱一點較好，而此駒上次跑同程久休跑敗都算理解，況且算輸得唔太遠，該場也是漏閘，今次試閘尚順，此駒外地兩場就算水準不高但幾肯纏鬥，今場如果個第三係好多人棄我取，倒不如望呢D未開底牌的馬轉程有得近。
其他馬匹
3「發財寶」近三場中有兩場跑得唔好，同樣又外檔又遇快點點步速，以及對手一較強就現形，今場情況入面都係成村快馬。
4「樂滿貫」估計都係會有人博冷，但此駒本來配「能」的硬功最好，可惜個檔真係又係衰，而試閘話快閘但個閘出得好怪，隻馬仲係一發力經常左右片，抽此檔一留好都驚好似上場咁隻馬留得太遠唔追就麻煩。
5「弛曜風」上場又慢閘，中段諗住跟前少少但湧一湧又冇，仲要隻馬一路跌磅，慢踱都見到少少骨感，一檔亦非合佢外疊衝。
6「心之行」外地戰績非強，特別尾個場一班對手真係麻麻，而此駒試閘出得唔順，今場就算內檔未必好似可以在外地般憑速度制勝。
7「電訊琪峯」久休確實可惜，此駒相當忠心，不過最強非短途後上，外地跑中距離跟前跑多，估計乃一隻谷草1650相當好的良駒，今次估計熱身居多。
8「二話不說」肥番係好現象，但奈何去到呢個分，仲要配上少合作的「彭」，隻馬未去到之前銳時的話又真係好難在此群攻堅。
9「美麗友盈」上場放到入直路都企係度，雖然人馬配幾好，但真係會否落四班穩陣點再博放甩。
10「閃耀榮光」馬唔差但上場只係過一隻跑田草的「大醇威」，仲要好似好難咁，而「潘」贏或入圍完轉「田」在此倉成功率真係麻麻，基本上一轉到真係要諗諗，隻馬仲要冇分在手，又多馬放頭，仲要檔又一般。
(河馬仔賽馬專欄)2021/06/06真金投注紀錄
  ![]() 
|
河馬仔hiphip3678
註冊於: 30/08/2004
發帖數目: 6147 | 發表於: 2021-06-06 on 17:35
2021/06/06「河馬仔賽馬專欄」，揀冷馬失敗。
是日 : + $8692 - $18900 = - $10208
累績 : - $10208 - $287825 = - $298033
![]()
|
|
 |
|
  
|
|
|
|
登入
會員登記
