Hong Kong Horse Database

	Hi Anonymous
	免費會員登記
	如有任何疑問，按此可直接與船主聯系。
歡迎訂閱「HKDB」會員　2023- 2024 年費計劃將於現時開始接受註冊，年費費用為港幣 1,700 元正，人民幣 1,600 元正。月費費用為港幣 350 元正，人民幣 300 元正。　各會員可以經 Fax 或網上申請，方法請查看登記辦法

首頁

FAQ

香港賽馬	球迷集中贏	其他	來賓討論區
香港賽馬	足球論壇	更新意見及報錯處	查詢
刨馬技巧		個人評語系統
銀行馬討論		你地鍾意貼乜就貼
血統及外國賽事資料		會藉查詢
賽事片段跟進馬
VF討論

河馬仔專欄管理員: hiphip3678
Hong Kong Horse Database Forum Index >> 河馬仔專欄 >> 5月19日高班賽分析(第九,十場)+飲食專題---河馬仔專欄

Author

5月19日高班賽分析(第九,十場)+飲食專題---河馬仔專欄

河馬仔hiphip3678

註冊於: 30/08/2004
發帖數目: 6147

發表於: 2008-05-17 on 02:40

今次四川大地震,做成大量人命傷亡,雖然身在香港未能對此災情能直接伸出援手,但各位朋友都可以間接地捐出多少,使到各志願團體都能購買物資,盡力幫助當地水深火熱的災民,同埋可以加快災後之重建工作.............

今日先講下一間唔係非常好食,不過價錢就相當相宜的日式餐廳..........

地方就係元朗,攝於上個月,呢間叫做x品日本料理........

內部裝修都唔錯,雖然細細間............

個日個午餐都要左個三十幾蚊的餐,估唔到都有一碗幾好食的烏冬+六件壽司+一杯凍飲,我個日要左杯藍莓特飲,甜甜地都幾好架........

主力個六件壽司影得唔好,但請見諒.

雖然食落未必會像一些高級壽司店般水準,不過絕對較普遍的連鎖壽司店用心同新鮮.當然食午餐有此水準同份量對我呢個大食佬都可以,而且價錢尚算公道下,如果大家在元朗附近返工,其實可以試下,睇下大家又覺得如何啦.

第9場第一班 1600米沙田草地
亞洲電視盃
1.步步穩-今季隻馬看來已未見再進,今仗雖然對手相對較弱不過又可惜其狀態又未見回勇下難靠
2.爆炸-踱步一課精神唔夠而且此馬一向較難發揮下今場要被東廐五隻圍攻下容易沿途三疊
3.再戰群雄-上仗千二嫌短加上對手太強下好難話佢真係跑唔番,換志叔會好而且此馬唔多需要一定跟前先得.練馬師跳個課其實步爽身輕下拖一票亦可
4.牛精財星-此馬其實相對易騎,用偉仔應該唔難發揮.跑千六亦已證明可爆一段或居中來追下冇理由唔要.晨操拍開心高下立見下位置機會高
5.飛馬王子-拍牛精福星一課總係覺得佢韁口怪怪而且追勁唔強下,未見好轉之馬較難發揮
6.喜蓮精彩-上戰一來對手太強而且原來腳有事才輸,但其實輸得唔太遠.復課可彈甩皇帝出巡已見隻馬精神下排好檔加上對手減弱下可爭勝
7.厚利多-此程雖然好不過流完鼻血後復課平平而已,今仗宜開氣一場再諗唔遲
8.時尚風采-上戰雖然慳左位輸但有兩樣野可以講講,一係上場跟前幾隻都全部潰敗,佢係輸得較近.二來佢係較頭四名之馬大約蝕廿磅以上.點講今場對手都比上次弱下有利下一城
9.小武士-狀態慢慢來但今場快馬多就未必夠跑
10.加州巔峰-狀態係唔差但佢係五隻之中最難跑之一隻,看來電兔居多
11.永不回望-如皇帝出巡放左呢場都唔夠跑的說話,我諗上次衝得同佢差唔多下而今仗對手咁強下,狀態未見再變好下要唔到
12.開心-晨操明顯火氣唔夠加上對手太強下可以不理
13.友誼至上-雖然近幾次都表現不俗不過上戰係完全被牛精財星KO下,今仗排外檔就變得難跑
是場心水:8.時尚風采-6.喜蓮精彩-4.牛精財星-3.再戰群雄

第10場第二班 1600米沙田草地 80-100
1.大將風範-上次俾鐵拳燒乾下其實都表現得中規中矩,可惜此馬殺着唔多加上主要對手形勢變好下博唔過
2.利好-上場雖然回勇不過其三疊都係有隻勝眼光在外側下當然會有較好發揮.今場排檔好少少但韋達試完唔要下加上有些對手同樣回勇下,疑點仍有僅屬邊線
3.勝眼光-計馬上場輸得唔遠已算超級馬,晨操馬仔精神身輕下可俾多一次機會
4.寶樹勁盈-上場漏閘後居然在狀態唔足之情況下,加上直路被困後可力追眾一班惡馬得個第五殊不簡單.今仗踱步同上次比好得多下勝望極高
5.龍的風采-跑完打比後已洩氣後有排調整
6.心福-狀態可保持但谷草都唔多叻下可以不理
7.駿綵-雖然上次衝得都近但隻馬晨操狀態仍然很肥加上翻步唔夠密下未得住
8.功力勝-拍一口田居然要推先跟得到證明此馬銳氣已墜係時候放棄
9.花好月圓-馬身喜見冇咁肥算係咁,上場留得太後追落都見近,摩廐三隻應該佢最好下如出閘順利都要兼顧
10.一口田-拍功力勝一課同樣唔夠精神,同樣可以唔要
11.大贏家-除非落大雨,否則好難要到佢,踱步見隻馬有點唔夠火
12.元武者-單跳一課步算順不過次次衝落都係得個近字下對手嫌多易處下風
13.飛躍龍門-此老馬今場仍保持勇態,上次跑泥地沿途外疊輸得遠係正常.今仗磅輕加上實際會放頭之馬唔多下有機慢放偷雞要小心
是場心水:4.寶樹勁盈-3.勝眼光-13.飛躍龍門-9.花好月圓