河馬仔hiphip3678
註冊於: 30/08/2004 發帖數目: 6147 | 發表於: 2008-06-01 on 00:29
講真一句,小弟其實對日本拉麵研究唔多,其實要講呢個topic係有點失禮,所以今次只敢講下係香港食到的一間幾有特色同埋一間幾有名聲之食肆.
個一下拉麵呢類東西,有傳係在中國帶到日本而發揚光大,當然安藤百福先生更加將拉麵帶來快食之進一步發展,故此現時拉麵其實都幾會有好多定義.......
基本上拉麵小麥粉,水,鹽,仲有主要的かんすい(有譯係鹹水,但香港應稱係鹼水)(應含potassium carbonate或sodium carbonate),佢的主要用途係增加拉麵的彈性,伸延性,滑溜感.
唔覺咁多化學,講番呢間日本拉麵店,其實係一間收費唔平但好得意之拉麵館,小弟個日就真係去試下啦,呢間餐廳位於灣仔大王東街,叫做"屋x"(係門口有個美女個間,唔係隔離個間,個間下次小弟會試架啦........)
當日小弟就去幫襯一下,要左一個鰻魚拉麵餐,入面包一個小食有幾樣比您選,而而仲有野飲,小弟就選左一個叫做三文魚皮沙律........
一食就見特別,魚皮既凍夾爽,有埋涼拌三椒同埋芽菜做底,撈埋一齊食真係爽到冇得頂,大熱天時食真係有驚喜
當然要講埋個鰻魚拉麵啦,點講都係主菜........
鰻魚唔多,但食落係有淡淡的炭燒香味,而且唔同平時食開之鰻魚汁,呢間所用的汁並不太甜,反而咁樣仲能夠帶起佢的甜味.........
講到湯底,小弟冒昧問過店員係乜湯底,佢地話係豬骨湯底,飲落算係唔搶喉加上有點綿綿地,加埋有粟米同埋野菜一齊算係出色.........
最後講到拉麵,食落彈牙,鹼水味唔多覺,湯底煮到入去而且咬落唔係散但明顯唔係好夠食,對男子漢來講食完可能唔多夠..........
埋單要約七十蚊,對一個晏仔來講唔算平,如果其實大家對拉麵有點興趣,呢間係可以一試,當然講唔上係頂級,但水準係可以令人滿意.
第8場 第二班 1200米 沙田草地 80-100
1.極奇妙-晨操觀感明顯同上場比較有進步,落腳輕左唔少,上場在小休下比人沿途頂在最外疊都輸得唔遠算係好.今仗重配達叔對這匹尺寸馬應有助
2.幸運勇將-雖然此馬健康已出現小小問題,而且上場就算唔受阻都未必入到位.但今場一來狀態有點點起色,加上對手甚弱,再者此馬千二略比千四千六為佳.點講都可在此程一爭
3.威利多多-在外地曾贏三級賽但觀乎此馬加速力並非太強,再者在港之晨操拍長驅之中推極都好辛苦,而且試閘都係要推騎才能維持下,就算點雷聲大但狀態不足下可以下次先睇
4.錢途光明-傷患馬同喜蓮戰略操個課見到佢毛色極淡而且神色非好,狀態未足下熱身居多
5.贏得住-上次守好位下居然對此弱組都一步都冇,狀態實際唔差但再縮程未必啱跑,宜睇多場等柏寶騎番會較穩陣
6.威威財星-晨操個口仲係重到震要等下啦
7.勇者無敵-在港同父馬都有早熟份子,但試閘一課都係要推才有點走勢,再加上晨操觀感又未見收夠身下,出腳力度未太足夠下都係觀察一場先
8.盈綵-上仗之平頭已係跑到盡哂,今場要跑千二已經難跑,加上對手多快放之流,基本都唔叻之馬旨在跑多一場等減分跑一千
9.怒火優勢-出腳仲係揼下揼下存度仲未發展得好,縮到呢程又係唔啱腳法
10.最佳孖寶-已退出
11.得意寶-上場俾人頂到超級四疊跑谷草千二唔輸先奇,今次好彩排四檔望就望偉仔搵到小小遮檔下便好跑.慢踱見保持水準下體力足可做冷膽
12.君皇鷹-上場在可能嫌促之一千直路都在馬叢中捐到出來,如唔驚騎師之發揮其實跑千二應會更好跑,都可以作一試
是場心水:11.得意寶-2.幸運勇將-1.極奇妙-12.君皇鷹
 
|