河馬仔hiphip3678
註冊於: 30/08/2004
發帖數目: 6147 |  發表於: 2008-06-18 on 00:22
上幾個星期,小弟的媽媽生日,當然要慶祝一番.有時小弟發覺買什麼東西做禮物,一個又好食又好睇的生日蛋榚理應唔少得.這樣除了多謝媽媽一向以來對小弟這個不肖子的愛惜外,亦都係來慶祝一家平平安安,所以一個好味的生日蛋榚亦令主人翁有個美好回憶!
生日蛋榚的來源應該在希臘時代,據維基百科講,以前的希臘人用在蜜餅上點臘燭來供奉月神,而點臘燭傳說係為生日的朋友帶來好運,而點解許願後要吹臘燭?這是因為古時歐洲人覺得煙係可升天堂的,吹熄臘燭後就可將願望帶上天堂就會實現,話就話要點哂代表歲數之數目之臘燭同埋一次過吹哂先靈,但現時就免啦.
講留個蛋榚,小弟係旺角某商場酒店內訂的,係旺角朗x坊酒店,本來唔係個度訂,但因商場地底內某間餅店D服務真係差到離譜,所以上左去買.
當然酒店內服務一流唔在講,店來都有幾款蛋糕俾您ORDER,最少兩磅,小弟呢個本來係藍苺CHEESE CAKE,但因阿媽喜歡紅噹噹又鐘意士多啤梨,所以小弟呢個蛋糕要$300,用的係全顆士多啤梨
買講賣相已經夠GRAND!入面芝士唔太軟,芝士味夠但好彩唔太濃,食落有暗香而且有點融融地,內疊有藍苺醬甜甜地,當然因為士多啤梨夠新鮮,有兩層感覺就更有層次感,當然呢個蛋榚咁大,結果都要食三日先食哂,三百蚊唔算貴,酒店蛋糕真係得架噃!
最後講一句,多謝您媽咪!
第8場 第二班 1650米 快活谷草地 80-100
1.非我莫屬-今季跑得多開始見馬身瘦,加上火氣已KEEP唔到下等減分才諗
2.銀太陽-雖然排一檔但此馬一向不太擅長於淋地,加上上場居然係跟唔到有如潰不成軍,幸好晨操觀感仍能保持得好好下只宜拖但熱門要避
3.神州六號-點講隻馬都係唔多叻,上場居然係守到最好位但居然在絕對優勢下都係得個好普通的第四,,今次排到外父咁外下大把馬可以選
4.財到得勝-上仗其實不宜內疊但可惜榮仔單單一隻博呢個位結果拙腳衝唔好,預計明天繼續落雨下唔多啱此馬跑
5.萬事喜-踱步時都唔知點解火都冇滴,仍然未好番哂之馬跑此程亦嫌促
6.不老英雄-上仗擺得前左走二疊輸左唔奇,雖然十二檔但副練操果課有火有力,如此馬肯留一段衝其實會好過跟到咁前,今次要留意
7.功力勝-上次突然爆得出又係令人意外,跑此程唔差對手又多古古怪怪如唔怕佢加左分會故態復萌下拖會穩過做膽,晨操踱步有精神冇問題
8.威利來-拍東運財一課雖然係HEAD住,但實際姿態並不完整,馬身頗重而且跑落辛苦,進步已唔多之馬來谷草未必能搵到食
9.鐵拳-上戰守個位守得非常好但居然跑落走勢奇差,此馬看來要擺得好前仲要冇乜馬係附近才得,奈何今仗檔差未必比佢走得甩,馬身仲係有點削
10.瀟洒叻龍-上場起步慢閘居然沿途三四疊轉彎,蝕到極到盡下都係斷得唔多,今場對手唔多加上上場對手多排外檔下,如湯仔能醒目地出閘下,落埋雨可勝
11.笑談中-點講都係隻馬衝力短,上仗其實都係僅勝比佢蝕位多多之駕進,在二班點跑都唔多夠下仲要冇乜真正快放馬帶散馬群,地淋就更困擾
12.勇猛神駒-韋安配近輪次次熱就次次令人驚喜,上場此馬排位唔排得咁差其實有望再近,希望排九檔唔會又被迫在外疊,狀態達叔跳兩段一課都仲算爽!
是場心水:10.瀟洒叻龍-7.功力勝-6.不老英雄-2.銀太陽
是日兩隻一注全餐Q半注全餐單T膽推介:
第六場:1.西北三雄-此馬地淋一流加上今場對手多一些老弱殘兵,上場算輸得唔遠下落到呢班跑其實可掃哂.
第八場:10.瀟洒叻龍(上文講左)
  ![]() 
|
登入
會員登記
