河馬仔hiphip3678
註冊於: 30/08/2004
發帖數目: 6147 |  發表於: 2008-09-20 on 23:38
今次講下一間叫做X襌的樓上CAFE,位於登打士街登打士廣場13樓,特色係有素食小食,所以今日小弟馬不停蹄,即刻同老友去試下,CAFE名叫做X襌..........
店內環境祥和舒適,店內顧客有別於樓下CAFE的拿住NDS的後生仔咁,多數都係一些年長的客人,小弟已經係最後生的一位,而且老闆同老闆娘都係較年長的人,所以算係有特色...........
店內素食種類頗多,小弟選了多款,老闆娘服務有禮認真,雖然製作需時,但確實品質不俗:
1.素食公司三文治-內有素火腿,咬落唔會好DRY,加上菜類好多,食落爽口,值88分!
2.素春卷-入面熱辣辣,點甜辣醬,有點越南春卷風味,入面爽脆多絲,值80分
3.芒果紫芋卷-一流,夠熱,入面係紫芋蓉包住芒果肉,食落甜度剛剛好,而且香味甚濃又夠綿,值98分
4.朱古力雪榚咖啡-冇奶(啱架啦,宜家真係唔敢落,雪榚溶左夠甜同朱古力香,如果唔落冰就更好,值80分)
埋單約$140,三樣野加兩杯野飲,製作認真加上環境安靜,係度睇書尋求下心靈平靜都唔錯!
第7場 第二班 1600米 沙田草地 75-95
1.叻百利-試閘晨操均狀態未足,落腳沉重,仲要慢閘,還是等下回
2.喜得法-同樣火氣欠奉但對手超弱,檔口唔太差此程又唔係真係唔識跑勉強拖都可
3.威利來-狀態僅屬初起而且此馬未見再進,此組雖然弱但千六長力實際有冇都唔知,機會同前駒差唔多
4.驕陽飛駒-試閘均見成熟但實際此馬能否直接贏到千六就好成疑,外地用得唔少要小心,總覺得評分略高,只宜拖腳
5.瀟洒叻龍-上次出閘慢就沿途狂俾走大外疊,當用番棠仔確要留意.仲有係馬身基本上收得唔差加上出腳順暢,今場快馬接近冇之下佢非常好跑要防
6.好計劃-上次漏閘後可以見到最LAST200米之追勁實際上非常強勁,自己覺得滇仔發揮上已經好好,隻馬係仍然有漏閘傾向,今次跑完一場後晨操更壯,如出閘較好贏面應高
7.飛快贏-講真馬已經過左盛年對手仲要係一些二班可以企得穩嘅馬田草就唔易突圍
8.花好月圓-本來隻馬今年都唔似舊年咁圓碌碌,但今仗可惜步速好可能極慢下,都係等睇夜晚家好月圓大結局好過
9.凱風-千六已嫌短加上二班此評分又差唔多到頂,狀態仍可但機會都係唔大
10.浦紅之友-出腳仲係鬼咁高仲要演出極唔穩定下跑田草把握唔大
是場心水:6.好計劃-5.瀟洒叻龍-4.驕陽飛駒-2.喜得法
第9場 第一班 1400米 沙田草地 90-115
1.時尚風采-拍博得威狀態屬於八成,今仗要負頂磅對住呢班馬本來都好難,但勝眼光退出就拖埋佢都可
2.爆炸-拍同一夢想明顯落腳唔夠爽,加上千四根本唔係佢合發揮之路程,今次熱身格
3.再領風騷-轉倉後狀態仍保持,今仗埋欄應該會較容易,唔落雨的話快放有機放甩一批唔係好跟得之對手
4.再戰群雄-晨操狀態比上年有持續更有改善,雖然韋達冇騎佢但講真狀態確比勝眼光好,千四佢合跑小心冷箭可期
5.飛馬王子-論態論跑姿論脾氣都唔係改善左好多,陰陽怪氣之馬冇得要...........
6.新力勁-點講此馬唔係真係太高,呢班馬已經唔易應付,加上拍花好月圓都覺得毛色同力度都係未夠,千四都係開下氣好
7.衝鋒槍-狀態良佳但點講田草能力都係唔夠谷草強,減分多
8.卓爾不凡-點睇都唔係呢班馬對手,減緊分等高班泥地
9.威武雄獅-跳兩段似未訓醒咁,點睇隻馬都唔似會叻得去邊
10.勝眼光-已退出
11.銀太陽-此程跑到超水準都係得第三,轉倉後又唔見得變靚仔左,唔要
12.火箭動力-除非呢場馬頭分百米13隻馬係度行,否則佢都冇乜得諗
13.利好-隻馬狀態起得唔錯但奈何此程太短,對此落腳唔夠快之馬熱多場身就買得
14.歡笑星-休息過後馬身仲壯仲定,雖然大外檔但有機會再戰群雄會係佢前面比到遮檔應該會好跑,等佢贏啦!
是場心水:14.歡笑星-3.再領風騷-4.再戰群雄-1.時尚風采
  ![]() 
|
登入
會員登記
