河馬仔hiphip3678
註冊於: 30/08/2004
發帖數目: 6147 |  發表於: 2008-12-20 on 02:19
正值秋冬,都係食一些補身暖胃食物的好季節,而在香港食蛇羮係一個較為多人的選擇,所以有一句"秋風起三蛇肥"等的字句,但想一想,究竟多數食用蛇有邊幾種?
係講蛇之前,今次會評論一下在深水埗之一間食蛇的舖頭,蛇X善.............
藍圈入面寫"生蛇肥",真係唔知'三蛇'啱定係'生蛇'啱啦,但在互聯網就搵到三蛇肥之搜索較多...........
玩蛇相,令人諗起近來之寬頻廣告,廣告中條蛇都變左光纖(講笑)
講起蛇羮,正名叫做太史五蛇羹,據維基百科所述,由晚清廣東翰林江孔殷所發明,佢字少荃,別號霞公,人稱江蝦,廣東南海人佢係最後一屆晚清科學進士,入過翰林院,所以叫做太史,民國後已經退出政壇,因佢對食非常有研究,故此佢個太史第常常充斥食客,故此亦有百粵美食第一人之美譽.除蛇羮外,太史雞都係其名菜之一...........
蛇羹主要材料可以好貴,如雞,鮑魚,木耳,冬菇等.蛇就未必一定得五蛇,多數係飯鏟頭,金腳帶,銀腳帶,水蛇,錦蛇,或過山烏等等,有些蛇之成份可加可減........
現時除菊花外,有些人會加檸檬草,薄脆等增加層次......
講番呢間D蛇羹先,今次有餐噃,一碗細蛇羹加一碗腊味糯米飯,價值四十五蚊...........
來到都幾大碗,熱辣辣,味濃而最緊要夠料............
蛇肉好多又夠厚而且夠蛇肉香,真係非常"杰",但味道真的濃郁有加,一碗細的都來得好飽...........
加埋大量檸檬草加薄脆,食落層次感同清香倍增,更感滿意
最後來碗糯米飯,同樣熱辣辣加上香氣四溢,D飯唔會"笠"口但又唔係硬,加埋花生都算非常不俗啦.........
今餐值95分啦,食蛇九龍個邊呢間都算真係算好好水準架啦........
下次有機會趁住仲凍再去香港島個邊試下另一間先!
是日十場心水選擇:
第一場:
4.魅力寶-雖然上仗走勢絕不出色,但唯一可以講的是今次跑回直路較為容易,二來係對手多係經驗唔多下有望在此程一爭,狀態跳一段見出腳俐落爽快
是場心水:
4.魅力寶-2.雙辣-8.鳥語花香-13.嘉寶神駒
第二場:
7.第一好運-雖然上仗利放都要失位置,但狀態較上場明顯推高唔少,今戰好彩快馬唔多加上手執內檔,跑起狀態之下四班都應該有馬贏可博冷W
是場心水:
7.第一好運-6.煇煌駒-8.精圖-4.名利好
第三場:
6.連冠精英-中間曾缺課數日但埋門快跳兩段秋風送爽,跟本睇步頭一點都唔似五班老馬.今仗對手雖然略強但計狀態真係冇可能唔要佢
是場心水:
6.連冠精英-2.鴻福星威-5.三刀王-10.喜定來
第四場:
10.飛躍之旅-上場一入直路已經被困跟本冇得發揮,此馬如能居中會較後上易點發揮,用達叔加一檔應唔會留得太後,加上狀態較上兩場唔係落得太多下補中有機
是場心水:
10.飛躍之旅-1.榮進寶寶-3.鄉村小子-11.翠妙星
第五場:
14.勁力寶蹄-跑一千啱好多,今仗應冇蓮華生輝或幸運寶貝之流,如再贏唔到可能落四班要負頂磅未必係好事,狀態今次推到頂點而且近兩仗一點都唔差下博多次冷
是場心水:
14.勁力寶蹄-8.陽明好好-9.風火神駒-5.炊金饌玉
第六場:
10.揚洋-上仗如唔係沿途被頂在三疊基本已經可以贏得,今場對手雖然頗強但此馬本身證明唔多,跑千四宏好位會較上場略有優勢下有望偷襲
是場心水:
10.揚洋-1.飛將軍-3.電子精英-11.心中有程
第七場:
5.真龍船-全場馬接近冇馬會放頭下對此馬最為有利,上仗疆口已見收歛不少,今仗晨操見隻馬出腳勇猛勤力下贏面唔低
是場心水:
5.真龍船-7.危險英駿-8.馬威力-9.有聲氣
第八場(高班賽分析)
8.一號種籽-上戰唔係早段被困早已贏左賽事,狀態KEEP得住上仗之勇勢路短都應可補中
12.魄力寶-上仗可用一條直路橫掃對手點講都覺得呢隻馬未到頂,睇晨操此馬個脾極實肉加上力度有增下再贏唔奇
7.龍的風采-上場最後一百齋推唔鞭輸頭馬一個頭跑第四真係丈八金剛摸不著頭腦,馬雖然見盡但此馬程應合下作配仍可
5.羅馬-試閘可同首飾奇寶輕鬆取勝可見此馬殊不簡單,奈何潘頓試完閘唔騎故此作配略安全
是場心水:
8.一號種籽-12.魄力寶-7.龍的風采-5.羅馬
第九場(高班賽分析)
8.神州之星-上仗頂磅二疊望空都可掃哂後面一班三班中堅可見此馬班分未盡,上回二班對手雖然強左頗多但其前置跑法加上大量減磅肯定對佢之威力有增無減下做膽都唔怕
2.同一夢想-贏花好月圓雖然唔多但及後都證明後者係還有贏馬本錢,大外檔係要扣分不過狀態有進冇退可說是今年最好一次
11.好日子-此馬配志叔才好,跑千八點都要留後較放頭較佳,希望志叔能捧盃告別啦
1.利好-點講班分已盡但覺狀態已處頂峰,今次只博位置而已
是場心水:
8.神州之星-2.同一夢想-11.好日子-1.利好
第十場:
2.歡樂出擊-上戰之第四實際都非常出色,計馬跑千四會較千二合衝下好可能係唯一一隻可同川匯主帥鬥之馬
是場心水:
2.歡樂出擊-6.川匯主帥-9.能源王-10.三喜臨門
  ![]() 
|
登入
會員登記
