河馬仔hiphip3678
註冊於: 30/08/2004
發帖數目: 6147 |  發表於: 2008-12-26 on 22:17
今次就評論一下位於灣仔的西式漢堡包店,個名叫做FATBURXXX..............
店內午餐時間真係有大量人,大多係外籍人士,當然入面都係食漢堡包,薯條之類啦............
入面都幾OPEN KITCHEN架,入去都幾期待下D牛肉燒成點呢?
個餐要六十幾蚊,有漢堡包+薯條(有肥有瘦)或洋蔥圈+一杯野飲.............
先講個包,較預計有點唔夠"肥"同"大",牛肉味都算夠,有點煙燻味算係OK,幸好唔係太乾,而且配菜算多,這點可算合格,但唯獨有點缺點係個包可能配菜凍,令到個包有點唔係好夠熱辣辣,所以咁嘅價錢係有要改善之處............值65分啦
講番第二樣,薯條,我第一之要左隻肥嘅,結果呢個真係夠"肥"同"長",入面真係有幾條又長又肥過我..........隻手指.入面薯仔幾香,雖然可能都幾熱氣,但真係幾鬼香口,加上入面個量都有唔少,所以呢個真係可以俾88分.............
度過真係好長架..............最好就係入面有點軟綿綿
洋蔥圈好彩冇太燶,入面洋蔥味算好足,算有水準.......
最後杯咖啡都好大杯,咖啡雖然未去到咖啡專門店之水準,但香味同熱力算係夠,所以可俾75分.
個餐如收呢個價錢確有要改善的地方,不過亦有優點,期待未來更有進步,整體值75分!
是日十場賽事心水選擇:
第一場:
12.高駿-上仗衝刺時最後二百受阻下其實都唔係輸得太遠,加上再收正後基本上對手都勝負大定於事無補.踱步輕爽而且唔瘦又夠神下補中可期
是場心水:
12.高駿-5.福慧-9.金不換-13.霸王天下
第二場:
14.威霸龍-雖然此馬真係要五班先有力言勝,但大家都知A+3跑道都係有欄就係王道,內疊馬未心會太快加上此馬晨操狀態勇到冇得頂下用紹仔絕對有權言勝
是場心水:
14.威霸龍-3.盈驥-9.金添好運-10.喜盛龍
第三場:
7.霹靂子彈-上場沿途走得太外下只負少少足以證明此馬有能力一爭,跑泥地已經有經驗,雖然狀態略為低落但同場冇乜馬揀下希望西哥會同佢合拍
是場心水:
7.霹靂子彈-1.泰寶馬-6.再來旺財-11.再威王
第四場:
9.錢順來-最鐘意係此馬有得休息下冇再皮黃骨瘦,拍尊係贏一課係有好明顯的改進,今仗幸好達叔都仍然對此馬依依不捨下按理要此馬穩陣
是場心水:
9.錢順來-11.星河舞士-7.國家富強-14.威力
第五場:
12.金碧神駒-上場入直路已見塞但最後幾步走勢都幾可人,此體弱馬落步有勁而且毛色仍潤下,如此馬能跑出水準有望壓到天馬六翅
是場心水:
12.金碧神駒-2.九龍飛-5.天馬六翅-14.真心馬主
第六場:
1.瀟洒大少-告廐今程出兩隻下已此馬較好,上戰得十隻馬跑居然走到大外疊加冇遮檔,可以當上場冇跑過,今次有內檔加上對手又實非太強下贏面高唱
是場心水:
1.瀟洒大少-2.揀得正-12.八達嶺-14.羅漢
第七場:
4.紅皮柚-計馬跑左三場後明顯狀態收身都見有改善,今仗見肚腩已唔見加上落腳輕番好多,此馬同軒仔都夾下小心防冷
是場心水:
4.紅皮柚-2.夢幻組合-12.永得勝-13.大紅袍
第八場(高班賽分析)
12.不老英雄-點講呢隻馬操到足哂加上狀態一點都冇得落感,但跑親一係就冇來火氣,一係就好似上次咁沿途被頂外疊難以發揮.計馬去到呢個分就應該有馬贏,如今次際遇好點點下真係唔敢飛左佢,怕走寶
3.絕塵-單計馬上場係絕對失望,只有寄望今次對手冇咁強加上泥地肯定準好多下,更加希望東叔送暖俾昌哥下拖埋啦
13.搏得威-告廐保養老馬確係有一手,此馬跑到咁密但一點殘樣都唔見,此馬程必好加上今次唔應該冇遮檔下一定要防
7.銀太陽-雖然選此馬毫無根據,但狀態多跑下已經好左唔少加上此馬淋地頗能信賴,有班底之馬加上擅長淋地之馬有望泥地都得之下,同場之馬大多用得唔少下如有50倍以上真係值得一捧
是場心水:
12.不老英雄-3.絕塵-13.搏得威-7.銀太陽
第九場:
4.十則圍之-上仗狀態真係得六成到都差點可贏,今場對手有批狀態都頗為核突,有批就連基本水準都未及下,今次操番起左可投信心一票
是場心水:
4.十則圍之-5.兄弟齊心-9.駿盈-12.永勝多
第十場:
4.駿馬大師-上場唔係受阻加上一路都埋唔到欄先失運在最後數步被擒,用力哥有埋一檔都真係可以安居平五路,對手唔係太強下今次補中良機
是場心水:
4.駿馬大師-8.開心錢-10.同心同德-12.新強勁
  ![]() 
|
登入
會員登記
