河馬仔hiphip3678
註冊於: 30/08/2004
發帖數目: 6147 |  發表於: 2009-02-06 on 22:36
今年雖然感冒初癒,但係每次COMIC WORLD同人販賣會小弟都盡量抽空參加.今年小弟十一點到場,結果買飛要上到去天台買,結果又要同陽光玩遊戲,曬到呢..............
結果去到約十二點有飛買啦,仲以為唔駛再曬,原來唔係,大家仲要落番地下圍住九展排約三份一個圈,企多45分鐘到終於入到場............(主辦單位都算聰明,咁樣就唔怕有人唔等得就走左啦)^^
今年話時話,COMIC WORLD分左兩日舉行,排隊的朋友當然會唔駛咁辛苦,但對賣同人誌的檔主來說就未必係好消息.一來駛費可能會提高,二來人手安排分兩天賣書可能會非常吃力,而且小弟聽到有些連去兩天的朋友講開,佢地都話兩天的人流都相比以前來說的確少了很多,特別係星期日,所以兩天好定一天好真係見仁見智.
入到場後,場內人流雖然多但已經俾以前少左好多,賣的檔口亦唔只賣同人誌,有些連FIGURE之類都有得賣,而今次除了這個賣野的場地外,另外仲有兩個場地,一個FOR COSPLAY用,一個FOR 表演用的..............
場內都有D關於餐廳之檔口.................
仲有賣畫漫畫工具的檔口噃................
仲有香港微型模型展,展品非常精緻而且見到製作人之心機,厲害厲害............
先講下今次場內的精品先,講真買的東西唔多,而且有較多女性向產品及書籍,對男性而言未必太多野好買,小弟都係睇畫功多,但今年都不乏好畫功的作品.........
1.CLANNAD本,風林火山的本子,入去買時都要排隊啦..........,當然色彩運用同埋畫功都非常不俗啦,加上CLANNAD的動畫在日本都頗HIT下自然受歡迎啦!
2.當然場內的紙袋都係很多人會購買的,小弟多數買完後回家用來擺放文件的,作為點綴啦!
3.有一檔有賣poster的,在當天D行的,人數聚集得很多,畫功及色彩運用的確唔差,而且風格較為平實加上帶有接近各畫家原作的畫風,佩服那位畫家的畫功!
4.最後一本書係近期活躍於網上電台及文字創作的本地跨媒體創作人何故先生所創作,小弟因電台節目與他相識,今次買左佢寫的作品<愛因思坦症候群>,故事模式係類似愛情輕小說,而作者何故亦為我的書簽了名啦.愛情小品對於冇乜感情生活的我感覺都幾新鮮,可能我冇乜愛情經驗啩................(唉,又諗起自己好耐都冇拖拍.................唔知幾時自己真係會有位女朋友..........)
  ![]() 
|
登入
會員登記
