河馬仔hiphip3678
註冊於: 30/08/2004 發帖數目: 6147 | 發表於: 2010-08-18 on 16:13
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊講講香港飲飲食食!
樂子:かゆ、かゆ(kayu,kayu),煲好喇!
彩珠:我呢度都整好喇,天時暑熱,煲下粥都唔錯的.
樂子:日本人同中國人一樣都會吃粥的,粥的日文是(kayu),其實在整個亞洲區都有唔少人吃粥的,當然以中國人最多.
彩珠:係呀,例如日本的人日(即新曆1月7日),日本人會吃七草粥來祈求健康,而日本的元宵(日稱小正月),亦會有吃紅豆粥的習俗(日稱小豆粥),當然紅豆粥就唔係粵式紅豆沙咁款啦.
樂子:不過我地今餐就簡單一點,煲煲白粥同朋友一齊食啦....不過D餸........
彩珠:擺左係張工作台上面呀,您拿出來啦,頭先啱啱係元朗買番來架.就係呢度啦!
彩珠:每次夜晚五六點行到又新街,總見到此店大排長龍等買滷水,我今次就下午兩三點去到,一於買番些少回來試試先.
樂子:日本人叫鵝做ガチョウ(GA-TYOU),不過家姐我有點好奇,我真係唔多見日本人食鵝.
彩珠:我諗西餐及中餐會較普遍,唔講都唔多覺日本料理有鵝食..............
樂子:係呢袋啦,寫住『Salty Food Shop』的一袋.打開佢先.........
樂子:下半庄鵝噃,夠四個女仔食...........睇吓下一盒有d乜先..........
樂子:嘩,大雜薈呀.
彩珠:我見到有D乜就每樣要少少啦,滷水野樣樣試少少先好食架嘛.
樂子:好啦,排好筷子就開餐啦!
樂子:呢D一定唔少得架.最好係將豉油加熱少少點吃才好!
彩珠:先講鵝肉先,食落較為實淨,鵝香頗夠.油脂唔過多,唔會食到食口油又唔會D肉似柴咁.個鵝皮算滑,而滷水都較重香料味,但亦沒有覆蓋了鵝伕味道.
看板娘---馬場彩珠---對鵝肉之評分:
彩珠:豬腸係有點肥的,可能我地女仔唔識欣賞,雖然彈牙但都係覺得一般.
彩珠:豬頸肉就好不俗,係街賣的很少切到如此的厚,唔肥之餘亦夠彈牙,肉要夠厚才能食到肉香的.
樂子:呢個就係好多香港後生的人都唔多食的鵝頭頸,一來食落麻煩,二來少肉,但上一輩的朋友就好喜歡此處,佢地話此處多骨才夠嫩滑而且又夠香.食頸之時最緊要像這樣不要弄得太短,要這麼長條型的肉才能夠一絲一絲地品嚐這種肉香呢.
樂子:在鵝掌翼及腎方面都幾爽口,這些部份主要食爽口彈牙,這點都食得到呢.
看板娘---馬場樂子---對豬腸,豬頸肉,鵝頭頸,鵝掌翼及腎之評分:
樂子:夏日炎炎,有時食粥當一餐亦非常合適!
彩珠:加上滷水食物又係幾好配搭呢!
到了暑假中段、又到了動漫迷熱烈雀躍的日子了。因為各式各樣的動漫及同人活動都會開鑼、大家當然都會大汗疊細汗、唔怕太陽哂住都樂在其中啦!
今次河馬仔專欄為了多謝各位支持、迎接這個熱力夏日、三位看板娘---馬場樂子、馬場彩珠、MARY CHAN齊來支持同人創作。今次WALLPAPER主題為「以心傳心」、繼續支持充滿心思及愛之同人創作。
今次由河馬仔出品、由同人組織mech-doll之畫師AKI繪製而成。
另一張名為<夏日炎炎正好眠>之WALLPAPER、希望大家能有一個悠閒寫意之暑假!
由河馬仔出品、夥拍同人組織---LAPUS之畫師CHIYA一起設計、由LAPUS之畫師CHIYA負責執筆繒畫
*(圖中所述之看板娘人名純屬虛構、如有雷同、實屬巧合。)
WALLPAPER以<共享創意 署名-非商業性 3.0 香港 授權條款>發放。
 
|