|
 | Hi Anonymous
|  | 免費會員登記
|  | 如有任何疑問，
按此可直接與船主聯系。 |
歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 ， 年 費 費 用 為 港 幣 1,700 元 正， 人 民 幣 1,600 元 正 。
月 費 費 用 為 港 幣 350 元 正， 人 民 幣 300 元 正 。
各 會 員 可 以 經 Fax 或 網 上 申 請，方 法 請 查 看 登 記 辦 法
| |
|
|
|
|  |
|
| Author |
(河馬仔專欄)9月5日銅鑼灣崇光La Serene Caffè評論+賽馬分析 |
河馬仔hiphip3678
註冊於: 30/08/2004
發帖數目: 6147 |  發表於: 2010-09-05 on 00:01
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊講講香港飲飲食食!
『Mary CHAN』:今集嘉賓,馬場樂子的知心朋友,喜歡同人漫畫創作及諗笑話(但唔好笑.....),偶然會來成為嘉賓.
*(圖中所述之看板娘人名純屬虛構、如有雷同、實屬巧合。)
樂子：馬季開鑼啦!寫完賽馬分析後係時候搵家姐食個晏仔先...........打個電話俾家姐先.......
彩珠：喂......樂子.......寫完馬啦,係時候去食飯啦,今日我想去百貨公司買下野噃,例如想買D日文書啦...
樂子：咁.....都係老地方啦.不過之前河馬仔都有寫過銅鑼灣崇光百貨上面的CAFE呢.......但同一間的百貨公司都有唔同的餐廳嘛.
彩珠：唔........係噃,不如今餐賀下馬季開鑼,一齊食好D!上去SOGO CLUB內的La Serene Caffè試試,跟住睇下日文書同去超市買下零食啦..........
樂子：家姐,您可以順便去睇埋附近的婚禮套裝呀,化妝呀.............
彩珠：您明知我冇男朋友架!>_<您在找碴嗎?一陣唔同您講野,哼!!!
樂子：咪咁啦,講下笑都唔比..........每位女仔都係有顆對結婚期盼的心呢........喂.......唔好收線呀=_=
彩珠：一陣有好野食就算數啦!咁今日所講的就是銅鑼灣崇光百貨公司之La Serene Caffè午餐
彩珠：坐得頗為舒服噃,裝潢都幾典雅呢,平時這兒都有唔少白領來吃商務午餐呢.今次不如唔開估食乜住,請下湯同麵包先.
樂子：麵包來到都頗熱呢又夠軟,加入一些南瓜湯及青豆湯等等一起佐食,湯又夠CREAMY,加了一些PEPPER後暖下胃先.
彩珠：唔........的確唔錯噃,個湯真係幾滑呢...要開估一下個正餐了.
樂子：牛..........
彩珠：紅酒汁西冷,五成熟噃,おいしいそう！(好似好好食噃!)
樂子：切落好軟腍但唔失應有的彈性及纖維感,嘩!_!入面剛剛好噃,流哂口水啦...
樂子：外面烤得夠香而食落入面真係有彈性之餘又夠腍,肉汁豐富唔乾身,絕對唔失真噃!加埋瓜菜真係正呀!
看板娘---馬場樂子---對紅酒汁西冷之評分:
彩珠：到我來了,喜歡食魚呢,來過扒紐西蘭原條龍利柳配花旗汁,花旗汁------真係唔多知噃...
樂子：其實係叫美國式的汁醬,由一些甲殼海鮮及蕃茄煮成的汁醬呢!
彩珠：海鮮汁配海上鮮,試試先!原條龍利柳煎得夠香及透,只係魚就幾多骨,但魚肉頗嫩及唔太乾呢,而加上汁醬後更加能夠增加魚肉之甜味.
看板娘---馬場彩珠---對扒紐西蘭原條龍利柳配花旗汁之評分:
彩珠：樂子,我地有個EXTRA午餐SET噃!叫埋您個FRIEND MARY CHAN啦!
樂子：好!佢已經坐左係執邊啦...........
彩珠：太快啦*_*
MARY：讀者們大家好,今日又來我講笑話的時間啦~~~~
樂子：唔好呀!請您快點介紹一下您的主菜吧............好似好大舊噃...呢舊魚係乜野魚呢.............登登登登
MARY：係煎東星班柳配紅花忌廉汁呢!食西餐都有東星魚柳食,平時唔係在酒樓先有清蒸的嘛!
彩珠：不過食之前講少少東星斑的資料,學名應是鰓棘鱸,居住地分佈頗廣,多數居於珊瑚礁處,以食魚及蝦為生呢.
MARY：在香港算是貴價魚來,但在香港的餐廳中以西餐來說其實算少.睇落今次都幾大舊,肉又夠厚,加上東星斑肉質有彈性及一疏疏的,魚皮更有咬口呢,而紅花忌廉汁帶點甜甜地,幾配襯呢!
樂子：有多舊就可以三份分呢,其實單以一位份量來說已好足夠呢.
彩珠：阿MARY姐,您個Q版ICON仲未整好噃,不如今次由樂子做俾分啦!
MARY：我唔制>_<
樂子：乖啦-_-ll
看板娘---馬場樂子---對煎東星班柳配紅花忌廉汁之評分:
彩珠：食飽飽了,點都係要番杯這兒幾熱門的飲品,炭燒咖啡呢!
樂子：總係覺得凍的比熱的更香濃呢,唔知點解...
MARY：呢個餐牌...........焗鮮蘋果撻伴意大利雲呢拿雪榚...............好想食呀!
樂子：好靚噃,三位女仔分就啱哂數,試試先
彩珠：蘋果都幾酸架噃,個批底係酥皮唔太厚,蘋果真係好多,加上甜甜的雲呢拿雪榚佐食一酸一甜就更好呢,MARY又點睇呢?
MARY：蘋果夠蘋果味,雲呢拿雪榚又夠雲呢拿味........我講得好唔好笑呀!
樂子：正經D啦MARY姐!-_-ll
看板娘---馬場彩珠---對炭燒咖啡及焗鮮蘋果撻伴意大利雲呢拿雪榚之評分:
河馬仔五場心水選擇:
第一場:
1.三陽盛泰 - 雖然上年表現都頗為乏善足陳,不過其實一路在千二米途程上都輸得唔遠.而今場落到五班眼見對手的確頗弱,而此駒在9月2日快跳兩段下已覺毛色轉光鮮之餘力度亦有增,可望喜逢弱旅下響勝鼓
是場心水:
1.三陽盛泰 - 2. 揀得準 - 5. 快都 - 9. 齊齊掂
第三場 :
6. 奪寶 - 8日連試兩閘實屬少見,雖然此駒試閘及9月2日晨操都有少少急燥,但步履輕巧之餘過步整齊,今年已見進步之馬應有權力克此群狀態唔太足之對手
是場心水:
6. 奪寶 - 1. 愛跑得 - 4. 賞惑 - 8. 齊喝采
第四場 :
1. 新力勁 - 明顯唔駛跑GROUP的話真係好有班利,而上年尾二個場跑得唔好極有可能係直路不幸受困所致,而上年尾場沿途外疊居然同自由好相差唔遠證明此駒亦有實力在手.今場對手其實有唔少實力見盡或狀態未足之輩,還是此駒較可信賴
是場心水:
1. 新力勁 - 3. 好友福 - 7. 天久 - 8. 明燈
第八場:
8. 中國心 - 上年尾兩場輸都係輸運多過實力,而此駒肯在馬群中突圍之餘衝刺力亦佳.晨操雖然有點頭岳岳不過汗濕唔多,而今場8隻馬之下亦幸有快步速之助,只要馬群拉得散論此駒實力有權過一隻有機會迫快的錢照贏
是場心水:
8. 中國心 - 7. 錢照贏 - 3. 讚賞 - 1. 高手
第九場:
1. 好勇駿 - 雖然舊年跑落的確有點失望,但此駒晨操所見單跳已唔見以往的燥火,反而近期更見此駒馬身有成長及大了一個碼.落班對住此群對手又真係好有優勢,而此駒有內檔可守之下就唔駛好似上次咁留到咁後.當然此駒實力非太高但理應四班夠用.
是場心水:
1. 好勇駿 - 2. 旅遊大亨 - 6. 愛蓮說 - 9. 吉利多
9月5日馬季開鑼了,各位馬迷又要迎接密鑼緊鼓的賽事了.
今次的WALLPAPER三位看板娘及馬馬都變成了Q版,以亮相圈作背景.希望大家馬迷喜歡.在此祝願各位馬迷今季開開心心,歡歡喜喜,馬到功成!
今次由河馬仔出品、由同人組織天空音匣之畫師Mineko繪製而成。以<共享創意 署名-非商業性 3.0 香港 授權條款>發放。
1650 X 1050
http://img.hkheadline.com/headline/blog/album_photos/57/44/150556/3/201009010023342701_1600x1600.jpg
1024 X 768
http://img.hkheadline.com/headline/blog/album_photos/57/44/150556/3/201009010023264269_1600x1600.jpg
  ![]() 
|
河馬仔hiphip3678
註冊於: 30/08/2004
發帖數目: 6147 | 發表於: 2010-09-05 on 22:07
是日河馬仔心水選擇及賽果由看板娘---馬場樂子為大家報導:
河馬仔第一,三,四,八,九場心水選擇:
第一場:
1.三陽盛泰 - 雖然上年表現都頗為乏善足陳,不過其實一路在千二米途程上都輸得唔遠.而今場落到五班眼見對手的確頗弱,而此駒在9月2日快跳兩段下已覺毛色轉光鮮之餘力度亦有增,可望喜逢弱旅下響勝鼓
是場心水:
1.三陽盛泰 - 2. 揀得準 - 5. 快都 - 9. 齊齊掂
第三場 :
6. 奪寶 - 8日連試兩閘實屬少見,雖然此駒試閘及9月2日晨操都有少少急燥,但步履輕巧之餘過步整齊,今年已見進步之馬應有權力克此群狀態唔太足之對手
是場心水:
6. 奪寶 - 1. 愛跑得 - 4. 賞惑 - 8. 齊喝采
第四場 :
1. 新力勁 - 明顯唔駛跑GROUP的話真係好有班利,而上年尾二個場跑得唔好極有可能係直路不幸受困所致,而上年尾場沿途外疊居然同自由好相差唔遠證明此駒亦有實力在手.今場對手其實有唔少實力見盡或狀態未足之輩,還是此駒較可信賴
是場心水:
1. 新力勁 - 3. 好友福 - 7. 天久 - 8. 明燈
第八場:
8. 中國心 - 上年尾兩場輸都係輸運多過實力,而此駒肯在馬群中突圍之餘衝刺力亦佳.晨操雖然有點頭岳岳不過汗濕唔多,而今場8隻馬之下亦幸有快步速之助,只要馬群拉得散論此駒實力有權過一隻有機會迫快的錢照贏
是場心水:
8. 中國心 - 7. 錢照贏 - 3. 讚賞 - 1. 高手
(連贏派$32.0)
第九場:
1. 好勇駿 - 雖然舊年跑落的確有點失望,但此駒晨操所見單跳已唔見以往的燥火,反而近期更見此駒馬身有成長及大了一個碼.落班對住此群對手又真係好有優勢,而此駒有內檔可守之下就唔駛好似上次咁留到咁後.當然此駒實力非太高但理應四班夠用.
是場心水:
1. 好勇駿 - 2. 旅遊大亨 - 6. 愛蓮說 - 9. 吉利多
![]()
|
|
 |
|
  
|
|
|
|
登入
會員登記
