|
| Hi Anonymous
| | 免費會員登記
| | 如有任何疑問,
按此可直接與船主聯系。 | 歡 迎 訂 閱 「HKDB」會 員 2023- 2024 年 費 計 劃 將 於 現 時 開 始 接 受 註 冊 , 年 費 費 用 為 港 幣 1,700 元 正, 人 民 幣 1,600 元 正 。 月 費 費 用 為 港 幣 350 元 正, 人 民 幣 300 元 正 。 各 會 員 可 以 經 Fax 或 網 上 申 請,方 法 請 查 看 登 記 辦 法
|
|
|
|
| |
|
Author |
(河馬仔專欄)7月10日尖沙咀『道』日本料理評論+連贏雙響炮 |
河馬仔hiphip3678
註冊於: 30/08/2004 發帖數目: 6147 | 發表於: 2011-07-10 on 00:10
今次係復出的第一篇,format上有點改動,希望大家會喜歡...
『馬場樂子(妹)』: 性格開朗,有點大頭蝦,除主力賽馬專欄外仍會介紹飲飲食食
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
『Mary CHAN』: 馬場樂子的知心朋友,喜歡同人漫畫創作及諗笑話(但唔好笑.....),偶然會來成為嘉賓.
『司馬蓮華』 : 馬場彩珠的好朋友及飲食同好,來自潮州,語尾有時會帶一點尾音.性格溫柔但思想天馬行空,喜歡可愛得意事,在假日偶然會開私房形式的女僕Cafe,名為『潮州メイドCafe』...
(前言)
Mary : 話時話,第一站係樂子揀的,但係香港有咁多日本食肆.而家又係食晏時間,係頭一集都想搵一間特別一點做題材呢!
樂子 : 我心目中已經有一間呢.由日本人負責的日或料理的店子!
彩珠 : 我估您係講我地之前去過的一間呢!
樂子 : 家組您又心水清噃.有時很想食地道的日本料理之時,都會到尖沙咀綿登徑,找一找鷲澤先生呢.
蓮華 : 鷲澤先生.......日文係.....Washizawa san...對嗎?
彩珠 : 對呢,好似這店都開了約十多年歷史,不過今次我地得一千蚊,要留一些買朱古力同埋茶點,咁我地食去食午餐啦!樂子!!!!!!!Book位呀.
(到了店外)
Mary : 原來係棉登徑,這條街聽就聽得多但好少去到.
蓮華 : 店外亦充滿了日本食店的感覺咧...訂好的位找到了!
樂子 : 這兒採用了OPEN KITCHEN的概念呢,而鷲澤先生就經常在這兒把食材整理好,由於店子唔係太大,所以好多時候食客可以一邊欣賞鷲澤先生的烹調,一邊同佢傾下偈呢.
彩珠 : 雖然鷲澤先生烹調的時侯非常認真而嚴肅,但其實和他說話時都可以天南地北講一餐的.有時在食飯的時候有不少日本人在這兒食午餐個陣,一邊睇報紙一邊和他閒談.而店內亦有一個橫濱市的記事板呢!
Mary : 但係我地D日文都係有限公司............
樂子 : 其實佢講廣東話好流利架(笑)...........不過講開又講,其實鷲澤先生和客人傾談個陣都好喜歡講下笑的.好記得有一天河馬仔用一D好水的日文同鷲澤先生傾偈個陣,鷲澤先生仲講笑話自己的廣東話都好麻麻,但事實係鷲澤先生的廣東話都有九分似香港人講廣東話呢,而在介紹食物俾香港客人時客人係十分明解的.
彩珠 : 趁而家仲未咁多人,不如睇下個餐牌,每人點樣唔同架啦!
樂子 : 其實現在香港由真正的日本大廚主理的午餐來講,現在已經唔係咁易搵得到了.所以今次作為我地『吃喝玩樂四姊妹』第一次食飯,值得紀念一下呢!
蓮華 : ORDER的東西來了呢,我地一於!
樂子 + 彩珠 + Mary + 蓮華 : いただきます!
樂子 : 先來講我揀的おまかせ定食,這個在日式的食肆都頗為流行的,可以講係香港以前舊式餐廳的『廚師是日精選』等等.由大廚來決定是日定食的配搭,亦可試出多花款.如我特別喜歡這個溫泉蛋,溏心蛋之綿綿的質感及滑溜感覺真的在喉嚨中像玩滑梯似的.而燒魚味道非濃亦不過火,隱約好像帶點味醂的味道,而漬物亦有多花款,如白飯魚仔及菜菇等等,可以添飯呢.而天婦羅亦有蝦等等感覺一點都唔油,係值得一試的.花款多多亦唔係大碟,較啱少女品嚐.
馬場樂子---對おまかせ定食(廚師定食)之評分:
彩珠 : 到我這個三色飯SET呢!魚生飯最好味的地方就是食的時候的滿足感.一堆一堆的魚生混合米飯,按自己的喜好如何分配飲和魚生等等的比例,有時比單單食刺身或壽司更好.雖然魷魚的質感較黏,但見到鷲澤先生不停在魷魚片上切條上,再加上三文魚子的脆及碎蔥吞拿魚腩的肥美,混合起來味道豐富而好有層次感,而有紫菜的飯溫度適中,沒有影響到魚生的質感及味道.
馬場彩珠---對三色飯定食之評分:
Mary : 這個名好得意噃-------道飯.碗飯好多白色,好似雪地...
樂子 : 個D係山芋蓉同埋納豆,鋪上下面的魚生出來的.
Mary : 但係應該點食呢?
樂子 : 加少少的醬油在飲上然後撈埋一齊就食得架啦!
Mary : 納豆雖然好多人都怕怕,但今次納豆的味道一點都不濃,只是加上了山芋蓉後變得軟綿綿如雪般在口溶化.加上了各式各樣的刺身在內,不會像普通的魚生飯般爽快,而係有點似飯糰的感覺呢,確是不同的食法.
MARY CHAN---對道飯定食之評分:
蓮華 : 我較喜歡食熟的東西呢,所以我就選了燒魚定食吶.今次係燒鯖魚(即青花魚),而鯖魚肉由於較難處理,多數見到的食法都是醋醃或罐頭.當然烤鯖魚肉亦是常見的煮法.把處理好後的鯖魚放進焗爐內烤好後皮下的魚油的香氣仍能保持於魚肉及魚皮內.鯖魚的肉質雖然不太綿密,但烤出來後感覺一點都不老哩.而加上了有了醬油的蘿白蓉亦能令食魚時感覺較清新,更能帶動魚的鹹香.
司馬蓮華---對燒鯖魚定食之評分:
樂子 : 還有咖啡或雪榚.個人較喜歡綠茶雪榚.
是次食物人均相對消費 : (越多$越高)
(後記)
(以下分析只是河馬仔個人觀點,注數只是模擬,僅屬參考而已,賽馬沒有必勝,絕不可以孤注一擲或投注過度.)
第九場 :
首選 :
4. 醒目精英 - 此駒今季休息過後表現確是一步一步地進步.上場雖然對手並不太強,但頭四名已經飄甩對手,明顯地實力已經在三班企得好穩.今戰試課草閘按定下走得順暢,狀態更比上兩場復出後優勝,今戰如步速稍為正常之下都難度唔高.
配腳 :
5. 至尊飛星 - 雖然上戰輸得比醒目精英遠,但佢當時狀態其實都係未操得好,馬身尚肥.不過剛剛跑完之後晨操轉定之餘過步感覺輕身有神好多,今次磅亦較上場減了不少.馬有轉樣之下冷門可期
10. 陽明飛飛 - 大量休息過後馬身算肥,當然做馬膽就一定唔會,但本身實力超班幾多都唔知.趕足工夫而臨雖然有缺點都不能忽視其實力.
11. 明興寶寶 - 上仗接近唔多識右轉之下,翻步較慢又外疊蝕位如此嚴重之下都可追近禮尚往來點石成金等等,本身實力亦是不可小覲.
第十一場 :
首選 :
13. 永勝多 - 尾場大家都會睇實東摩之爭,此駒應該大家忽略的一隻.當然馬本身冇乜進步,但係此駒優點不少.第一係今季舊年十二月才出第一場,本物未博殘.第二係此駒今季減分已到上年可入圍之分數.第三係梁家俊對上兩次都係佢跑,已經跑熟.特別係上場在守位較劣勢之下,在將近冇機會之時此駒在最後二百左衝右突,最後追勢全場最好.梁家俊快跳一段非常爽,開腳極開揚.有班底實力之馬有權贏番漂亮一仗.
配腳 :
3. 如願以償 - 雖然韋達唔騎,但復出三場後都交出好成績,而上場賺形勢下照贏可也.今場無疑對手略轉強,但本身狀態冇大變化,仍要當意
4. 喜惑 - 表現準繩,到上場都只係輸最後一步失亞軍,今季越跑越覺非常淡定應之餘亦可快速地適應評分加幅,用韋達更有信心
6. 旺當家 - 上仗略嫌跟得太前,不過都係輸比及後可再贏的步步快之餘,佢本身亦能贏甩及後贏出的富高勝,實力企穩二班
河馬仔(模擬$940)心水套餐 :
連贏位:
(第九場)
4. 醒目精英 膽拖 全餐 ($20注) : $260
4. 醒目精英 + 5. 至尊飛星 + 10. 陽明飛飛 + 11. 明興寶寶 ($20注) : $120
(第十一場)
13. 永勝多 膽拖 全餐 ($20注) : $260
3. 如願以償 + 4. 喜惑 + 6. 旺當家 + 13. 永勝多 ($20注) : $120
歡樂Q過關2X1 :
頭關 (第九場) : 4. 醒目精英 + 5. 至尊飛星 + 10. 陽明飛飛 + 11. 明興寶寶
次關 (第十一場) : 3. 如願以償 + 4. 喜惑 + 6. 旺當家 + 13. 永勝多
($5注) : $180
直至上次累積之賺蝕 : -$5809
(今年都係輸程東京5日4夜團啫...)
友誼不應有界限之分、只要大家互相共融的話、人人的臉上都可以同樣展現出陽光燦爛的笑容呢!
同樣居住在香港、來自日本的主角馬場樂子及姐姐馬場彩珠和香港的MARY CHAN、潮州的司馬蓮華、無分邊界、建立了珍貴的友誼。四位一起在鏡頭下做出「一、二、三、四」的手勢、在同一天空下以簡單的動作來留下這寶貴一刻!
今次亦是河馬仔首次和海外的同人朋友合作、由河馬仔出品設計、由來自台灣的同人團體希冀之翼之畫師---櫻野露---繪製而成。希望能體現創作無界限的精神呢。
較大的圖 :
http://img.hkheadline.com/headline/blog/album_photos/57/44/150556/5/201105251421145761_1600x1600.jpg
WALLPAPER以<共享創意 署名-非商業性 3.0 香港 授權條款>發放。
*(圖中所述之看板娘人名純屬虛構、如有雷同、實屬巧合。)
 
|
awayqq
註冊於: 30/11/2009 發帖數目: 1615 | 發表於: 2011-07-10 on 12:20
去过个度,的野几好味.无几远有间WhyClub几好玩
 
|
河馬仔hiphip3678
註冊於: 30/08/2004 發帖數目: 6147 | 發表於: 2011-07-11 on 00:04
Quote:
|
On 2011-07-10 12:20, awayqq wrote:
去过个度,的野几好味.无几远有间WhyClub几好玩
|
|
可能我多去一些英式BAR,我唔太喜歡飲酒個陣有好HEAVY METAL音樂,所以我有時會去一些JAZZ的音樂吧,如我好喜歡去havana club,感覺好舒服.
 
|
awayqq
註冊於: 30/11/2009 發帖數目: 1615 | 發表於: 2011-07-11 on 12:17
开心的时候应该激励一下,需要思索的时候去安静一下吧
 
|
河馬仔hiphip3678
註冊於: 30/08/2004 發帖數目: 6147 | 發表於: 2011-07-12 on 00:31
Quote:
|
On 2011-07-11 12:17, awayqq wrote:
开心的时候应该激励一下,需要思索的时候去安静一下吧
|
|
您說得對呢
 
|
河馬仔hiphip3678
註冊於: 30/08/2004 發帖數目: 6147 | 發表於: 2011-07-12 on 00:58
是日<河馬仔賽馬專欄>之心水結果由看板娘馬場樂子報導 :
(開熱Q...弊...)
河馬仔(模擬$940)心水套餐 :
連贏位:
(第九場)
4. 醒目精英 膽拖 全餐 ($20注) : $260
4. 醒目精英 + 5. 至尊飛星 + 10. 陽明飛飛 + 11. 明興寶寶 ($20注) : $120
(連贏派$33.5! 中4注收$134.0)
(第十一場)
13. 永勝多 膽拖 全餐 ($20注) : $260
3. 如願以償 + 4. 喜惑 + 6. 旺當家 + 13. 永勝多 ($20注) : $120
(唔中)
歡樂Q過關2X1 :
頭關 (第九場) : 4. 醒目精英 + 5. 至尊飛星 + 10. 陽明飛飛 + 11. 明興寶寶
次關 (第十一場) : 3. 如願以償 + 4. 喜惑 + 6. 旺當家 + 13. 永勝多
($5注) : $180
(唔中)
直至上次累積之賺蝕 : -$5809
是日賽馬模擬賺蝕 : $134-$940 = -$806
累積賺蝕 : -$5809-806 = -$6615
(好嘢!下季可以由零開始!)
 
|
awayqq
註冊於: 30/11/2009 發帖數目: 1615 | 發表於: 2011-07-13 on 18:13
下个赛季变正数应该不是很难的!
 
|
|
|
|
|
|
|
|