登入會員登記
Hi Anonymous
免費會員登記
如有任何疑問, 按此可直接與船主聯系。

歡 迎 訂 閱 「HKDB」會 員 2022- 2023 年 費 計 劃 將 於 現 時 開 始 接 受 註 冊 , 年 費 費 用 為 港 幣 1,700 元 正, 人 民 幣 1,500 元 正 。
月 費 費 用 為 港 幣 350 元 正, 人 民 幣 300 元 正 。
 各 會 員 可 以 經 Fax 或 網 上 申 請,方 法 請 查 看 登 記 辦 法

登入名稱

密碼


還沒有帳號嗎?請建立帳號
首頁 
推薦本站 
聯絡我們 
個人帳號 
馬迷討論區 
申請PCS 
個人評述系統簡介 
FAQ 
收費事宜 
個人排位表 
個人配磅表 
網友心水馬 
各場獨贏賠率 
各場連贏賠率 
各場位置走勢 

 香港賽馬 球迷集中贏 其他 來賓討論區
 香港賽馬 足球論壇 更新意見及報錯處 查詢
 刨馬技巧 個人評語系統
 銀行馬討論 你地鍾意貼乜就貼
 血統及外國賽事資料 會藉查詢
 賽事片段跟進馬 
 VF討論 

香港賽馬
管理員: shlee, stojkovic, evanslam, randysiu, home
  
Hong Kong Horse Database Forum Index >> 香港賽馬 >> 2022-2023 笑馬由人
Go to Page ( Prev Pages 1 | 2 | 3 | 4 | 5 | 6 | 7 | 8 | 9 下一頁 )
Author 2022-2023 笑馬由人
晒馬samana









註冊於: 08/03/2006
發帖數目: 3565
發表於: 2023-01-06 on 21:20
相信好多巴打都知道小哥喜歡跟進匆匆再出馬,因為賽績較近,上賽的狀況比較今仗會變化不大,從上賽走勢判斷馬匹的狀態,今仗的變動估計幕後的部署等等,換句話說,等小哥多咗吹水H空間去發揮創意!

小哥看到第七場方仔只新馬「飛輪步」一個星期又出現,而且大幅加程跑千八,所以小哥翻翻佢上賽點樣跑法:

「飛輪步」自外檔出閘後收慢以佔取較接近內欄的位置。
 「飛輪步」在收慢時難以穩定走勢。
  一百米處,「飛輪步」向外移出避開「直線力山」的後蹄,當時「直線力山」向內斜跑。
 其後於末段,「飛輪步」在雙雙斜跑的「好拍檔」與「直線力山」之間受困而未能望空,因而未能被力策至終點。

大外檔留後,轉彎走三疊,直路受阻被困,是否可以理解為未算正式跑過呢?

事實上當日同場的幾匹高分4歲馬,小哥都認為幕後會有心想去跑打m,特別係方仔依匹,正宗長途馬,點會唔心存大慾呀!早啲出嚟搶分就最實際。排檔比上仗好咗,路程更加合適,好似仲收咗少少身瘦了15磅。當然,小哥也是看到上仗有暗飛,所以就大膽選擇去馬囉!

配腳就係掛頭牌用「中學禮」減10磅H「龍船狀元」,雖然上仗跑第三無加分,但係前仗跑第四加咗2分算係「補償」返嗎?上仗大外檔頭三段搶快咗,回來仍未斷方,今仗故技重施,放入一位可望做到H。

R7
首選 9 飛輪步
副選 1 龍船狀元


評馬,小哥是認真的😅
各位好運👍!








  Profiles of samana   Go to the user WebSite samana   
晒馬samana









註冊於: 08/03/2006
發帖數目: 3565
發表於: 2023-01-08 on 20:45



殺人一萬,自損三千。

自古兵家(商家)之道,在於研究如何以最低成本,取得最大效益。

小哥賭馬數十年,從「懞懵懂懂」至今時今日「收放自如」,坦白講,交了不少的學費,甚至基乎坑里爬不起來。今時今日,仍然有機會「生存」,其實都係有賴上天的眷顧,其次就是「自強不息」,「自我反省」。比如說,有關如何處理注碼安排,其實巳經決定咗勝負的關鍵。小哥也作過不同的比較,其實買不同的彩池,正常情況下,其回報率也大概差唔多。當然,有時會有某些彩池受到「攻擊」而「縮水」,例如上面的三重彩。

小哥「功課貼堂」當然有「認下狗屎」H意思,其次就係「吸引力法則」H,吸引「正能量」,最後,也就是想請教下高手,如果以小哥某場合里有一只冷膽,以「二熱二冷」法則,選擇了其他二熱一冷配腳,除咗買wp, 單Q,4重彩之外,還有什麼方式比小哥現時H做法,可以有更少成本,更大效益的玩法。歡迎提供建議,小哥「薄酬」!🙏


  Profiles of samana   Go to the user WebSite samana   
船主~~home









註冊於: 13/03/2002
發帖數目: 9189
發表於: 2023-01-09 on 20:42
sam兄,都夠飽啦~

  Profiles of home   Go to the user WebSite home   ICQ Status  Add this uder to your ICQ Contact List  
晒馬samana









註冊於: 08/03/2006
發帖數目: 3565
發表於: 2023-01-10 on 21:27
小哥除咗賭馬之外,其他的「業餘興趣」也不多,唯有「好一口」就是喜歡去蒸下骨。唔怕講,如果「骨精強」重出江湖,油尖旺好幾個場,小哥都可以賣「料」比佢。其中某埸的Locker ,認識幾十年都無轉工,閒談當中,佢在這間場返工,間中有些「馬圈大佬」會彈啲好嘢,有時仲會好過出糧咁話。小哥間中「參考」,每每會碰上驚喜,今日小哥又接到「獎金」,看看能否擦出火花。
這人讓小哥想起,三十年前到湖南辦廠,請的司機原是是一個小型工廠的廠長,當時我不明點解佢屈就,後來佢話我知,原來係佢喜歡我工廠部日本車(當時國內的進口車鳳毛麟角),想抓多幾年先返去搵錢,真係一種米養百樣人,所謂人各有志,是否?

講返「貴圈」的事,很多主打「燉品」的店舖近年生意都麻麻,其中某「婆娘」更是每況越下,這個可能與已經開咗唔少各國美食搶客的緣故吧。我諗如果「燉品」堅持要燉夠鐘先正揭蛊的話,啲客都已經食飽埋單去揼骨啦!

第五埸四班千二,今晚介紹二間「燉品」公司,「入錯行」同埋「婆娘」,各自出一件老雞老鴨,頗有賣點,輸泥轉草,換人換架生,路有專長排好檔,分減夠到位,真係隨時都可以「開盅」果亭。其實都唔使點介紹,只係唔知道「主理人」H胃口如何啫!
小哥估計,如果四班可以贏當然要贏,「婆娘」關乎搶分會著緊啲,「行哥」五班太多應酬,也不想撞車了吧!

R5
正選 7 木火同明
副選 2 獎金大王

評馬,小哥是認真的😅
各位好運👍!


  Profiles of samana   Go to the user WebSite samana   
晒馬samana









註冊於: 08/03/2006
發帖數目: 3565
發表於: 2023-01-14 on 22:52
以前聽前輩說,通常尾埸的競爭會比較激烈,因為乃過關的兵家必爭之地。所以,曾經在尾埸贏過的就有一定程度的含金量。

明天尾場這只「知道必勝」,去季就曾經勝過尾場。上季尾腳有事要抖返一段時間,近期可出而且有位,雖然評分未見得有太多空間,勝在相對同場的其他馬匹,勝出評分都高出半班,負重應該影響不大,小何同沈大師近排都「旺旺仙貝」。所以「沈大師」出的這對同主馬,小哥還是比較喜歡這只多啲!

另外一件又要麻煩Fight gor 了,都係果句,這位「先生」上仗有方,Fight gor 馬好開就好,今次又擺上識贏H「輝哥」,應該有啲「雅部v的吧,北球馬遲熟,估計應該有多少分在手。

R10
正選 1. 知道必勝
副選 4. 一先生

評馬,小哥是認真的😅
各位好運👍!


  Profiles of samana   Go to the user WebSite samana   
晒馬samana









註冊於: 08/03/2006
發帖數目: 3565
發表於: 2023-01-18 on 13:42
剛戰周日,乍驚乍喜,驚者,爆到石破天驚,乃近年之少見。喜者,香庫平台上,衆師兄頻傳捷報,冷冷都照中!👍👍👍
見到亂買Sir,bill兄,賠率王的成績,真的非常羨慕,能夠與這些高手同台論馬,實在光榮!

今晚騎師王又係潘大大與ok哥布文H大勢。以小哥「傻強扶弱」的正氣,當然要「攻擊」大熱H潘大大。

第四場谷草四班千二,「嚟笑聲」只「淺草飛」升班輕磅,挾新勝之勇,潘大大繼續「加鐘」,睇賠率會熱過上仗。不過小哥留意到此駒輕左廿二磅,體重係來港參賽的歷史新低,況且五升四有冇阻力也是未知之數,所以,小哥鬥膽飛起依棵草。

講返ok哥,今晚騎「大舊石」二件,估計應該係鳳凰無寶不落。況且依駕飛車係三降四,近仗有方,排好檔之下,小哥認為可以落錘仔啦!

配腳用細潘「有運來」,排大外檔換來好賠率,能追可放之馬,相信細潘會好好發揮到佢H「走位智慧」。沈大師今季有「浪漫勇士」撑腰,應該是都想爭取下「米芝蓮」H榮耀。
揀依只仲係因為好意頭,希望香庫同仁新春大吉有運來!

R4
正選 2. 電訊飛車
副選 7. 有運來

評馬,小哥是認真的😅
各位好運👍!


  Profiles of samana   Go to the user WebSite samana   
晒馬samana









註冊於: 08/03/2006
發帖數目: 3565
發表於: 2023-01-19 on 20:42
一年容易又春節!雖然今年並不太好景,日子難過年年過吧!

記憶中好似很少在大年卅跑馬,今年「黑兔」追「白虎」,當以顛覆傳統H理念去重新認識世界了。

好似買馬咁,其實都可以搵到不同的理由去買或者不買任何一隻,視乎你當時H心情或者某啲外在因素影響,也會影響到你忽然一念之間完全改變自己一直以來的習慣。

所以,如果落得場(落得注),保持平常心對待,勝不驕 ,敗不餒。就如在麻雀^上的牌品,總有手風順與不順的時候,量力而行始能樂在其中!

既然係農曆年前H最後一次跑馬,咁就揀最後一場,希望可以有啲好的紀念和回味。

第十場三班千二賽事,「富全」出三件,雖然三件分數都在新高,勝在路合態勇,都有叫三五七飛食糊本錢。小哥前兩仗都追買過今次第三優先權H「幸運旅程」,今仗轉場換人,自然也是小哥的跟進目標,純粹係賭自己的眼光和不服氣。
配腳就屬意告仔依只七歲老馬「加州凱歌」,上仗「中學禮」埋門起飛博失,今仗換上細潘,雖然排於外檔,小哥都係果句,換來好賠率,告仔落咗好多心機減分,保留得就應該有多少「雅部v。

橫批:富氣東來
上聯:幸運旅程待明輝,
下聯:加州凱歌賀爾年!

恭祝各位身體健康!萬事如意!心想事成!

R10
正選 : 6. 幸運旅程
副選:12.加州凱歌

評馬,小哥是認真的😅
各位好運👍!


  Profiles of samana   Go to the user WebSite samana   
晒馬samana









註冊於: 08/03/2006
發帖數目: 3565
發表於: 2023-01-22 on 17:51
「虎」盡甘來,「兔」氣揚眉!

大年初一給各位拜個年,祝福大家新年快樂,身體健康,心想事成,買乜贏乜!

小哥喝夠睡足的,睇睇初三又有乜嘢可以介紹俾朋友!

卅晚H賽事,Fight gor 技驚四座,小哥是真的由衷佩服!所以,大年初三還是要麻煩他老哥幫手!

小哥選咗第六場四班千八,Fight gor 依隻轉倉馬應該「一鋪到位」啦,上仗外檔轉彎三疊,回來莫氣追近,走得有方,今仗仍用家俊,檔位理想跑同程,留放得好就可以一鋪「到胃」了!

配腳選咗十三少件「紅粉豐彩」,神經質馬埸好場壞,隨時會搗亂大局,今仗換上黑田衝一段,威力不容忽視!

R6
正選 13. 一鋪到位
副選 3. 紅粉豐彩

評馬,小哥是認真的😅
各位好運👍!


  Profiles of samana   Go to the user WebSite samana   
晒馬samana









註冊於: 08/03/2006
發帖數目: 3565
發表於: 2023-01-28 on 01:51
頗為期待周日的賽事,二場一哩賽戲碼夠哂「重頭」之外,有「高鐘鬼妹」客串更加令小哥興奮莫名!全情投入就係當然的了吧!

今期都會揀選尾埸,三班草地千四。
三只插班自購馬 ,有二匹「美麗」 。
「囉褲穿」又係一貫的馬海戰術,一出三件。所以都可以考驗下眼光和智慧,防止老人癡呆症!

不過小哥心目中有另外一件,「合夥雄心」。上仗配「中學禮」,都唔知師傅係想要操練個人定係操練匹馬,定係「禮計」佢「自把自違」,一反常態不留反放,但係卻是放而未斷,這個說明了馬匹狀態好及班次負磅等已經基本上佔咗優勢。今仗仍用「禮計」減10磅,略留衝一段,「中學禮」要畢業就要長進啦!

配腳就係「假結尾」果件「零捨美麗」,羅富生係厚道人家,點都會彈件好貨比靚女接風洗塵嘍,同時,三件新馬中,似乎依件整個操練過程算係較正常及完整。

R10
正選 6. 合夥雄心
副選 8. 特別美麗

評馬,小哥是認真的😅
各位好運👍!


  Profiles of samana   Go to the user WebSite samana   
晒馬samana









註冊於: 08/03/2006
發帖數目: 3565
發表於: 2023-01-28 on 21:45
湊熱鬧,小哥又要評下經典一哩!

1.蟲草成名 :評分雖高,但未有1400以上根據,排較外檔,只得放棄。
2.瑪瑙 :評分馬,路程合適。然上仗跑第三卻1分不加,評磅員不看重,遇熱可棄。
3.包裝必勝:評分馬,路程合適。然上仗跑第一只加5分,向老馬看齊?今仗瘦身18磅,有疑點,遇熱可棄。
4.美麗宇宙:貴價野,評分馬,路合檔靚強配,有賠率必選。
5.魅力知遇:每仗評分馬,路合檔靚強配,且可追可放,膽材。
6.旗幟鬥士:上仗排大外檔一出即勝,技驚四座。然根據古法後上指數,上仗追了11匹馬,今仗應該睇淡,且排大外檔,中意都要放棄了。
7.喜旺駒 :評分馬,檔靚。然根據古法後上指數,上仗追了12匹馬,今仗睇淡。
8.知足常樂:上仗勝後加9分,評磅員看重,遇冷當選。
9.爆熱 :三零部隊,跟從修兄,只好放棄。
10.自勝者強:評分馬,路合,上仗大外檔贏得出色,今仗「弱配」,有賠率仍未可侮。
11.遨遊氣泡:評分馬,路合檔靚人又靚。然然上仗跑第一只加5分,向老馬看齊?姑且放棄。
12.當年情 :上仗跑第三卻1分不加,評磅員不看重。據古法後上指數,上仗追了10匹馬,今仗雙重睇淡。
13.大學生:雖近仗近咗,三零部隊,跟從修兄,放棄不惜。
14.一代天嬌:雌馬睇低咗一線,也是三零部隊,放棄吔。

總結一下:
膽材:5.魅力知遇
配菜:4.美麗宇宙
8.知足常樂
10.自勝者強

200元投注大法:
A&pq 5-4,8,10=$10*3=$60-
4-5,8,10=$10*3=$60-
單T
5-4,8,10=$10*3=$30-
單式馬膽三重彩
5-4,8,10=$10*6=$60-

各位好運👍!


  Profiles of samana   Go to the user WebSite samana   
Go to Page ( Prev Pages 1 | 2 | 3 | 4 | 5 | 6 | 7 | 8 | 9 下一頁 )
  
Lock Topic Move Topic 刪除帖子
Web pages will look best if you use Google Chrome (1280 X 960) or above.
(c)Copyright. The hkhorsedb.com ALL RIGHTS RESERVED. If You Want Contact us , Please mail to Contact
訂閱條款