| Author |
2023-24 風雨飄搖新馬季 |
晒馬samana
註冊於: 08/03/2006
發帖數目: 3626 |  發表於: 2023-09-12 on 15:49
九秒九的韌力，時間係短咗啲，不過要傳宗接代也是夠造了。😅
本來旨在提示船兄資料的錯漏，看到修兄睇淡，為咗菅造氣氛，小哥就唱好這個「九秒九」的故事。
以一件三球嘢入貨的價錢，這樣的表現，當然令大眾都大失所望，但一直都有飛支持，看來幕前幕後都心有不死呢。
前天的表現，小哥認為此馬已經有啲渣拿，是日內欄頗有偏差，強如旺旺都差啲挨唔到尾。同場件「我為你」跑內欄贏咗一條街，應該係超得好緊要。「九秒九」跑內線有前有後都係值得看好的，賽後一日過磅輕咗30磅，係「收咗身」定係「暴瘦」真係跑完先知。
已經去到依個分數，咁都唔得就真係失敗啦，希望方仔唔毋跣我。
點講都好，睇吓賠率今仗可能偏熱咗啲，應該唔係淨止小哥唱好，但係好多時候依種牌面都會被「打左臉」的，小哥預咗比埋右臉抽。😅😅😅
|
修叔shimari
註冊於: 10/01/2004
發帖數目: 1493 | 發表於: 2023-09-13 on 18:18
五班處女馬，不賭不研，是偶作風。隻馬健康正常，又無大敗，應該不是五班馬，就是六班馬。
方仔D馬有幾難捉，好多人都領教過。前七馬房中數佢最風流，又未到「登陸」，大把時間做傳承。去季仲收埋見屠習生，睇泥佢仲好有精力同大家玩捉依因。
今晚谷草開幕戰，佢出馬最多，同七位騎師合作，邊隻係主力要靠估。上季佢谷草開鑼戰起孖，有霍公子幫拖，呢條水今季仲有無 ? 艾東撈。
|
晒馬samana
註冊於: 08/03/2006
發帖數目: 3626 | 發表於: 2023-09-14 on 11:55
Quote:
|
On 2023-09-11 22:58, horseanalyst wrote:
賽馬投注額還在上升中，大户們搵到食，估計香港賽馬還有得玩落去
|
|
大戶在氹仔搵到食，係咪代表在其他地方搵唔到食呢？如果無「生水」注入，塘水滾塘魚的「零和遊戲」，真係唔知可以撐幾遠！
以香港股市的狀況來看，二千幾隻股，有7百幾隻無交收，有千幾隻上落金額唔過一皮野，剩返幾百隻算係有些睇頭。咁�H經濟環境，無蔗無掩，神仙難變呢！
|
修叔shimari
註冊於: 10/01/2004
發帖數目: 1493 | 發表於: 2023-09-17 on 09:29
今季看來又是我跟晒馬兄的唱雙黃，而這次被冷雨照頭淋，也是合理合情。除了再次突顯修叔不濟外，也反映小方同馬主耐性契合度極高。
是日焦點係華一傷愈復出，新本地「BIG 4」中，除了同「FIGHT哥」無合作外，悉數提供機會馬俾上季二哥洗塵。
修叔一注「騎師王」支持這位雙子座精英。
傳統季初急先鋒，鐵人沈順利帶出，過往顯示是來得快去得也快，9月仍是此廄衝刺期。另外，留意是沈廄去季大熱勝出率是不足三成，是低於全季平均率，不計三位已散倉馬房，排尾四，包尾係得16.4%既「嘉士柏」。
小方明言爭冠，連同潛在威哥，得益者是誰呼之欲出，隨住上季三位下游倉告別後，今季不論上游下游馬房競爭將空前激烈，誰可先下手為強，將佔有一定優勢。
|
修叔shimari
註冊於: 10/01/2004
發帖數目: 1493 | 發表於: 2023-09-17 on 11:47
堯哥心急於今天復出，當然為了去季兩匹不敗之師，究竟係咪可以延續勝鼓呢 ?
從試閘所見「夢想」狀態不及去季勝時，只要比較同「綠族」兩次草閘當有同感，人馬狀態同樣不足。
既然「六爺」認為「夢想」有力出戰年底大賽，那麼即使以質補態，在此仗理應不勝無歸，對手只是自己。
另一匹「至寶」，兩勝谷草千二，今季卻棄戰快活谷，升班轉戰田草，又是什麼打算呢 ?
近年練馬師刻意安排不少PPG處子戰往跑馬地，當中個別成為頂班佳駟。目前已抵達澳洲的「浪漫勇士」，當年正是兩勝谷草後，轉戰沙田千二米即勝，其後扶搖直上，成為打比盟主。
此仗成敗可看清馬匹究竟是谷草特佳，還是質素超群。
|
修叔shimari
註冊於: 10/01/2004
發帖數目: 1493 | 發表於: 2023-09-19 on 19:07
講馬水皮，講人是非。
九騎齋未開，中秋月已圓。
巴度同小蔡代堯出戰騎師大賽，復課遲，開糊莫遲疑。
暑假夢遊小潘小巫，十哩迷夢，叫極唔醒。
嘉熙哥，師有新生，仍有殺效。
嘉里唔理，合情合理。
年復一年，好快過年。
澤錯日子，復出恕堯。
造王韋少，接通森聲。
|
晒馬samana
註冊於: 08/03/2006
發帖數目: 3626 | 發表於: 2023-09-20 on 14:06
告仔�H二個愛徒，小白菜似係未有完全康復，可能係信心問題。中學禮今季�H表現可圈可點，周日果件「我為你」揮back 而勝，自然也是倍增信心，當然果件嘢也如小哥所判，超得好緊要。
睇返今晚佢�H出賽馬匹居然係華騎之最多，keep住個勢，應該好快會「上岸」啦。近期仍有留意價值，特別係輕磅快馬！今晚件「皇仁」同學，熱就係熱啲，睇騎練鬥志睇排位形勢，小哥都睇好，但係先始聲明小哥自己唔會賭咁熱�H馬，大家好運！
|
修叔shimari
註冊於: 10/01/2004
發帖數目: 1493 | 發表於: 2023-09-21 on 19:19
「鐘仔」係被動，要人撳先會響。依家多咗舊弘，多少有點競爭意味，聞說最佳見習生獎已取消多年，是否 ?
今季第一項級際慶典盃周日上演，初步睇應該唔會跑全場最冷兩隻馬掛。
東尼有三隻，不會大方到全陪跑。「盛景」上季苦戰不勝，今季率先成功交代。另一匹「綫路」上季有WP落袋，今季當然可以謀定後動，看來主力又是「美麗」系。其實上季OK哥未嘗染指分級賽，但獎金依然過億，今季大賽佢梗希望至少三隻手指啦。
|
修叔shimari
註冊於: 10/01/2004
發帖數目: 1493 | 發表於: 2023-10-04 on 14:07
「練馬師王」編號1的小方，今季率先打開口牌爭冠，當然是今季長期留意馬房。
過往小方被稱為「黑夜州神」，全賴N季成為「谷草王」有關。去季雖然成為勝出最多跑馬地「練馬師王」，不過卻以3場頭馬輸掉「谷草王」給威哥。本季快活谷戰，勢將成為二人爭奪頭馬戰場。
微妙是，呂方兩廄都頗倚重華一作為主戰手，正是手掌是肉，手背也是肉，究竟是幸福的煩惱，還是煩惱的幸福呢 ? 要如何解讀騎者選擇，是普羅馬迷，今季必修課。
威哥強勢自季尾開始爆發，以目前成績及高達28.2勝出率來說，既瘋狂又恐怖，就好像一匹戰馬在一千米頭段開12秒內一樣，難以維持高速即奔終點。
今晚出馬少，沒有好拍檔及大熱門加持，是否回一回氣較好，不過，「練馬師王」賠率卻持續下降，是驚還喜?
小方今季谷草部署，除了以量取勝外，也用不同騎師掛帥，務求令圈內外皆難測。
小方對上一次成為冠軍，當時有「神」襄助。如今在「後莫雷拉時代」，且自絕與潘一合作，能否成為自千禧年後，第一位同冠軍騎師零交流的練馬師冠軍呢 ? 拭目以待。
小方是晚戰馬中，大熱門仍要份外小心，目前此廄大熱門有3匹，成績是2冠1亞，表面大好，是為了爭冠，冷熱照搏，仍有待觀察。
方仔重用南非董︿當然不是欣賞他的騎功，叫座力低易卜，才是賣點。新勝「九秒九」就是為了打季度一早準備好既得分棋子，會否成為馬房本季首匹連勝馬，是馬房戰意的重要指標。
另一選是師徒全晚唯一合作馬「喜至寶」。此路人馬，向來備受練者重視，在今季復出前曾兩度試谷閘，以小方性格來說屬非常謹慎。賽前三課大閘，也顯示進擊決心，且看能否再度拿下是晚「練馬師王」吧。
|
登入
會員登記
